अङ्गालो मार्नुका छन् यति धेरै फाइदा !

एजेन्सी । अङ्गालो मार्नु माया जताउने सबैभन्दा राम्रो तरिका हो ।

एक अनुसन्धानकाअनुसार कसैलाई अङ्गालो मार्नुले स्वास्थ्यलाई पनि धेरै फाइदा हुन्छ । यसले तपाईंको दिमाग तेज हुनुको साथसाथै तपाईंलाई तनावबाट पनि मुक्ति मिल्छ । अङ्गालो मार्नुका के–के फाइदा यसबारे जानौँ –

तनावबाट मुक्ति

यदि तपाईं तनावमा हुनुहुन्छ भने कसैले अङ्गालोमा बेर्छ भने तपाईंलाई राम्रो लाग्छ । साथै, अङ्गालोमा सँगै सुत्नाले तपाईंलाई अरू दिनको तुलनामा राम्रो निद्रा पनि आउँछ ।

अनुसन्धानले प्रमाणित गरिसकेका छन् कि आफ्नो साथीको अङ्गालोमा बस्दा तनावबाट मुक्त हुन मद्दत मिल्छ । यदि तपाईं आफ्नो साथीको अङ्गालोमा सुत्नुहुन्छ आरामदायी र शान्तिपूर्ण निद्रा आउनेछ ।

एक–अर्कालाई बुझ्न मद्दत

कसैलाई नियमित रूपमा अङ्गालो मार्दा रगतमा अक्सिटोसिन र कोर्टिसोल नामक दुई हर्मोनको स्राव हुन्छ । यी दुवै हर्मोन तनाव र डिप्रेसनसँग लड्न र जोडीलाई एक अर्कालाई बुझ्न मद्दत गर्छ ।

यदि तपाईं लामो समयसम्म स्वस्थ रहन चाहनुहुन्छ भने त्यसको लागि आफ्नो पार्टनरलाई नियमित रूपमा अङ्गालो मार्नुहोस् ।

रक्तचाप नियन्त्रण गर्न

अङ्गालो मार्नुले तपाईंको स्वास्थ्यको लागि पनि धेरै फाइदाजनक छ । यसले तपाईंको रक्तचापलाई पनि नियन्त्रण गर्नसक्छ ।