भूकम्प विकास निर्माणको समस्या होः राष्ट्रपति 

काठमाडौँ । राष्ट्रपति रामचन्द्र पौडेलले भूकम्प नेपालको विकास निर्माणका लागि समस्याको रुपमा रहेको बताएका छन् । सोमवार काठमाडौँमा आयोजित एक कार्यक्रमलाई सम्बोधन गर्दै उनले यस्तो बताएका हुन् । 

उनले हिमालय पर्वत शृङ्खलामा बेलाबेलामा गइरहने भूकम्प देशको विकास निर्माणका लागि समस्याको रुपमा रहेको बताएका छन् । 

उनले केही प्राकृतिक प्रकोपहरुको पूर्वानुमान गर्ने पद्धतिको विकास भइसकेको भएपनि भूकम्प सम्बन्धी पूर्वानुमान गर्न सकिने संयन्त्र आजसम्म पनि पत्ता लगाउन नसकिएको उल्लेख गरेका छन् ।

त्यस्तै, विकसित मुलुकहरुमा भएको अनुसन्धान, औद्योगिकरण, जीवाश्म इन्धनको दोहन, कार्बन उत्सर्जनले कार्बन उत्सर्जनमा नगण्य योगदान गर्ने नेपाल जस्तो विकासशील देशमा झनै बढी असर पारेको राष्ट्रपति पौडेलको भनाई छ । यही कारण पृथ्वीको तापक्रममा वृद्धि भइरहेको पनि राष्ट्रपति पौडेलले बताएका छन् ।