एमालेले खण्डन गर्‍यो प्रचण्डको अभिव्यक्ति

काठमाडौं । नेकपा एमालेले प्रमुख प्रतिपक्षी दल माओवादी केन्द्रका अध्यक्ष पुष्पकमल दाहाल ‘प्रचण्ड’को अभिव्यक्तिको खण्डन गरेको छ ।

एमालेका सचिव तथा सांसद गोकर्ण विष्टले प्रचण्डले ‘सरकार बिचौलियाको नियन्त्रणमा रहेको’ भन्दै संसद्‌मा दिएको अभिव्यक्तिको खण्डन गरेका हुन् ।

विष्टले बिचौलियातर्फ इङ्कित गर्दै विगतका सम्बन्ध तथा उठबसकै कारण प्रचण्डलाई यस्ता विषयहरूमा गलत बुझाइ हुनसक्ने बताए । “सर्पले सर्पको खुट्टा देख्छ भनेझैँ उहाँलाई पनि त्यस्तै दृश्य देख्ने बानी परेको हो कि ? विष्टले भने ।

विष्टले सुशासन प्राप्तिका लागि भएका प्रयासहरूलाई सबैले सहयोग गर्नुपर्नेमा जोड दिए । उनले सुधार योजनाहरूलाई प्रभावकारी बनाउन आवश्यक बजेट विनियोजन गर्नुपर्ने उल्लेख गरे ।

प्रचण्डको आरोप – सत्ताको ड्राइभिङ सिटमै बिचौलिया छन्