सनस्क्रिन किन र कसरी लगाउने ?

काठमाडौं । निश्चित उमेरपछि अनुहारलाई बाहिरी प्रदूषण र अल्ट्रावायोलेट किरणहरूबाट बचाउनका लागि सनस्क्रिन लगाउनु अत्यन्त फाइदाजनक मानिन्छ । ब्यूटी विशेषज्ञ भन्छन् घरबाट बाहिर निस्कनु अघि अनुहारमा सनस्क्रिन अवश्य लगाउनुपर्छ । यसले छालालाई सुरक्षा प्रदान गर्छ र छाला चाँडै बुढ्यौली हुँदैन ।

नियमित रूपमा सनस्क्रिन लगाउनाले छालालाई सुरक्षा मात्र मिल्दैन, बरु छाला धेरै प्रकारका बाहिरी खतराहरूबाट पनि सुरक्षित रहन्छ । आज हामी कस्तो प्रकारको सनस्क्रिन छालाका लागि राम्रो मानिन्छ र एक पटकमा कति सनस्क्रिन अनुहारमा लगाउँदा छालालाई सही सुरक्षा मिल्छ यसबारे कुरा गर्नेछौँ ।

फाइदा

• दैनिक सनस्क्रिन लगाउनाले छालालाई हानिकारक यूभी किरणहरूबाट बचाउन मद्दत गर्छ ।
• सूर्यको अल्ट्रावायोलेट हानिकारक किरणले अनुहारलाई धेरै नोक्सान पुर्‍याउँछन् । सनस्क्रिनको प्रयोगले यी किरणबाट बचाउन मद्दत गर्छ ।
• सनस्क्रिनको प्रयोगले छाला समयभन्दा बुढ्यौली देखिने समस्या केही ढिलो हुन्छ ।
• लामो समयसम्म यूभी किरणहरूको सम्पर्कमा रहनाले छाला क्यान्सरको जोखिम पनि बढ्न सक्छ । यी यूभी किरणबाट बच्न लागि नियमित रूपमा सनस्क्रिन लगाउनु आवश्यक छ ।
• सनस्क्रिन लगाउनाले छालाका कोशिकाको सही सुरक्षा हुन्छ ।

कस्तो प्रकारको सनस्क्रिन फाइदाजनक ?

• राम्रो सनस्क्रिनमा एसपीएफ १५भन्दा कम हुनु हुँदैन ।
• सनस्क्रिनमा एसपीएफ ३० देखि ५० बीच हुनुपर्छ ।
• सनस्क्रिन युभीए प्रोटेक्शनयुक्त हुनुपर्छ ।
• सबैभन्दा राम्रो सनस्क्रिन युभीबी प्रोटेक्शनयुक्त हुन्छ ।
• सनस्क्रिनमा छाला मोइस्चराइजरको मात्रा बढी हुनुपर्छ ।
• यदि छालामा पिम्पल वा एक्ने छन् भने वाटर बेस्ड सनस्क्रिन किन्नुपर्छ ।
• तेलीय छालाका लागि तपाईं सनस्क्रिन जेल पनि किन्न सक्नुहुन्छ ।
• सामान्य र सुख्खा छाला भएकाहरूले क्रिमयुक्त सनस्क्रिन किन्नुपर्छ ।

सनस्क्रिन लगाएपछि छाला किन कालो देखिन्छ ?

धेरै व्यक्ति छाला कालो देखिने डरले सनस्क्रिन लगाउँदैनन् । केही व्यक्तिलाई सनस्क्रिन लगाएपछि छालामा धेरै चिप्लो महसुस हुन्छ। । यद्यपि यस्तो केही हुँदैन, सनस्क्रिन लगाउनाले छाला कालो हुँदैन ।

छाला विशेषज्ञअनुसार सनस्क्रिनमा टाइटेनियम डाइअक्साइड नामक एजेन्ट समावेश हुन्छ । यो एजेन्टले छालामा एक तह तयार गर्छ जसले युभी किरणहरूलाई सीधै छालासँग सम्पर्कमा आउनबाट रोक्छ । यो लगाउनाले छालामा एक तह बन्छ, जसले छालाको टोन फरक देखिन थाल्छ ।

एक पटकमा कति सनस्क्रिन लगाउनुपर्छ ?

यदि तपाईं अलिकति सनस्क्रिन लगाएर युभी किरणहरूबाट जोगिन्छु भन्ने लाग्छ भने तपाईं गलत हुनुहुन्छ । छाला विशेषज्ञ एक पटकमा दुई औँलाको बराबर सनस्क्रिन लगाउन सुझाव दिन्छन् । अर्थात् एक पटकमा एक चम्चा बराबर सनस्क्रिन छालामा लगाउनुपर्छ । जब तपाईं सनस्क्रिन लगाउनुहुन्छ, पूरै अनुहारमा राम्रोसँग लगाएर १० मिनेटको लागि छोड्नुहोस् ।

दश मिनेटभित्र नै सबै सनस्क्रिन तपाईंको छालामा राम्रोसँग अवशोषित हुनेछ । छाला विशेषज्ञहरूका अनुसार दिनमा दुई दुई घण्टाको अन्तरालमा सनस्क्रिन लगाउनुपर्छ ।