ब्राजिलबाट जलवायु न्यायको माग (तस्वीरहरू)

काठमाडौं । ब्राजिलको राजधानी ब्रासिलियामा नेपालसहित विश्वका ९८ देशका दर्जनौं जलवायु अभियन्ता, आदिवासी नेता र समुदाय प्रतिनिधिले “कोप ३० मा न्यायपूर्ण ऊर्जा रूपान्तरणको नेतृत्व ब्राजिलले लिनुपर्छ” भन्ने सन्देशसहित एक कला प्रदर्शन गरेका छन् ।

प्रसिद्ध ब्राजिली कलाकार मुनदानोद्वारा बनाइएको ३० फिट लामो ब्यानर अमेजनका डढेलोबाट सङ्कलन गरिएका खरानी प्रयोग गरी बनाइएको थियो ।

यस कार्यले अधिकृत रूपमा कोप ३० अध्यक्षलाई हस्तान्तरण गरिएको एक पत्रमा तत्काल जवाफ मागेको हो, जुन ब्राजिलमा आयोजित “फ्री ल्यान्ड क्याम्प” को अवसरमा दिइएको थियो । यो पत्र नेपालसहित ९८ देशका हजारौं व्यक्तिहरू र १८० भन्दा बढी संस्थाहरूले हस्ताक्षर गरेका थिए । यसमा जीवाश्म इन्धनको अन्त्य, न्यायपूर्ण ऊर्जा रूपान्तरण, र आदिवासी नेतृत्वको केन्द्रीय भूमिका सुनिश्चित गर्न माग गरिएको छ ।

उनीहरू हाल “हाम्रो शक्ति नवीकरण गर्नुहोस्” नामक कार्यक्रममा सहभागी छन्, जुन अन्तर्राष्ट्रिय जलवायु सङ्गठन ३५०. ओआरजीद्वारा आयोजित गरिएको हो ।

यो कार्यक्रममा ७० भन्दा बढी देशका २०० भन्दा बढी जलवायु अभियन्ताहरू सहभागी छन्, जसको उद्देश्य समुदाय-आधारित नवीकरणीय ऊर्जा परियोजनाहरूलाई सशक्त बनाउनु हो – जुन कोप ३० तर्फको एक महत्वपूर्ण कदम हो ।

तस्वीरहरु –