रुसद्वारा युक्रेनमाथि आक्रमण, कम्तीमा आठ जनाको मृत्यु

एजेन्सी।

अमेरिकी राष्ट्रपति डोनाल्ड ट्रम्पले रुसी राष्ट्रपति भ्लादिमिर पुटिनलाई युक्रेनमाथि आक्रमण रोक्न आग्रह गरे पनि रुसले बिहीबार राति फेरि घातक हवाई आक्रमण गरेको छ । उक्त आक्रमणमा कम्तिमा ८ जनाको मृत्यु भएको छ ।

मानव रहीत यान (ड्रोन) आक्रमणमा पूर्वी शहर पाभ्लोहरादमा एक बालक र ७६ वर्षीय महिला सहित तीन जनाको ज्यान गएको छ भने १० जना घाइते भएका छन् । दक्षिणी क्षेत्र खेरसोनमा दुई जनाको ज्यान गएको डोनेट्स्क र खार्किभमा थप तीन जनाको मृत्यु भएको छ।

गत बिहीबार, रुसले कीभमाथि पछिल्लो वर्षको मध्यदेखि हालसम्मको सबैभन्दा ठूलो बमबारी गर्‍यो, जसमा १२ जनाको मृत्यु र ८७ जना घाइते भएका थिए । उक्त आक्रमणमा उत्तर कोरियाली प्राक्षेपिक क्षेप्यास्त्र (ब्यालेस्टिक मिसाइल )प्रयोग भएको युक्रेनी अधिकारीहरूले दाबी गरेका छन्।