नक्कली नोटसहित दुई युवा पक्राउ

सर्लाही, ६ जेठ । सर्लाहीको पर्सा गाउँपालिका–६ बाट प्रहरीले नक्कली नोटसहित लालबन्दी नगरपालिका–६ का २१ वर्षीय मुकेश कुमार साह र पछाडि सवार हरिपुर्वा नगरपालिका–४ डुमरिया निवासी २३ वर्षीय सरोज पण्डितलाई पक्राउ गरेको छ ।

भारतीय नम्बर प्लेटको मोटरसाइकल चेकजाँच गर्ने क्रममा प्रहरीले उनीहरुको साथबाट ५०० रुपैयाँ दरका ४८ थान नक्कली नोट फेला पारेको हो ।

विशेष सूचनाका आधारमा प्रहरी नायब निरीक्षक मेथुल यादवको टोलीले पक्राउ गरेको उनीहरूलाई जिल्ला अदालत सर्लाहीबाट पाँच दिनको म्याद थप गरी थप अनुसन्धान भइरहेको जिल्ला प्रहरी कार्यालय सर्लाहीले जनाएको छ ।

The post नक्कली नोटसहित दुई युवा पक्राउ appeared first on Jhapa Online.