अर्थमन्त्री र राष्ट्रपतिबीच भेटवार्ता, बजेटका विषयमा व्यापक छलफल ! 

काठमाडौँ । उपप्रधानमन्त्री एवम् अर्थमन्त्री विष्णु पौडेलले राष्ट्रपति रामचन्द्र पौडेलसँग भेट गरेका छन् । 

सरकारले जेठ १५ गते ल्याउन लागेको आगामी आर्थिक वर्ष २०८२ ८३ को बजेटका विषयमा घनिभूत छलफल चलिरहेका बेला अर्थमन्त्री शीतलनिवास पुगेर राष्ट्रपतिलाई भेटेका हुन् । 

भेटमा अर्थमन्त्रीले राष्ट्रपति रामचन्द्र पौडेललाई बजेटबारे जानकारी गराएका थिए । अर्थमन्त्रीका प्रेस सल्लाहकार भुवन पौडेलका अनुसार अर्थमन्त्री र राष्ट्रपतिबीचको भेटवार्ता पूर्णतहः बजेटबारे केन्द्रित थियो । 

सरकारले जेठ १५ गते संवैधानिक व्यवस्था अनुसार १९ खर्ब हाराहारीको बजेट ल्याउँदैछ । सरकारले आजै आर्थिक सर्वेक्षण समेत सार्वजनिक गर्दैछ ।