रत्नपार्क क्षेत्रमा  एमाले र राजावादीको जुलुस नजिकियो

काठमाडौं । काठमाडौंमा गणतन्त्र उत्सव मनाइरहेको नेकपा एमाले र राजसंस्था पुःनस्थापनाका लागि भन्दै राप्रपाको अगुवाइमा भइरहेको राजावादीहरूको प्रदर्शनले रत्नपार्क क्षेत्र अस्तव्यस्त बनेको छ । राजावादी प्रदर्शनकारीहरू पहिला नै रत्नपार्क पुगिसकेका छन् ।

उता एमालेको र्‍याली पनि रत्नपार्क पुग्दै छ । दुई समूहको जुलुस एकै ठाउँमा हुने अवस्था आएको हो । प्रहरीले राजावादीको एक समूहलाई जमलमा रोकेको छ । एक समूह पहिला नै रत्नपार्कमा पुगेको छ । प्रहरीले एमालेको जुलुस पास गराउन राजावादीहरूलाई हट्न भनेको छ । तर, उनीहरू हट्न मानेका छैनन् ।