टी-२०आईमा आज नेपाल र स्कटल्याण्ड प्रतिस्पर्धा गर्दै

काठमाडौं । स्कटल्याण्डमा जारी त्रिदेशीय टी-२०आई शृंखलाअन्तर्गत नेपालले आफ्नो दोस्रो खेलमा आज  घरेलु टोली स्कटल्याण्डसँग प्रतिस्पर्धा गर्दैछ। यो खेल ग्लासगोमा नेपाली समयअनुसार बेलुका पौने ८ बजेदेखि सुरु हुनेछ।

यसअघि यी दुई टोली सन् २०१३ को टी-२० विश्वकप छनोटमा भिडेका थिए, जहाँ नेपाल स्कटल्याण्डसँग ८ विकेटले पराजित भएको थियो।

सन् २०१३ को स्कटल्याण्ड टोलीका माइकल लिस्क र सफियान शरिफ  वर्तमान टोलीमा पनि सहभागी छन्। नेपालले टी-२०आई मान्यता पाएपछि स्कटल्याण्डसँग कुनै खेल खेलेको थिएन । स्कटल्याण्डसँग नेपालको यो पहिलो भेट हो ।

यसअघि नेपालले  आफ्नो पहिलो खेलमा  नेदरल्याण्ड्ससँग तेस्रो सुपर ओभरमा रोमाञ्चक हार बेहोरेको थियो।  यता, स्कटल्याण्डले भने शृंखलाको आफ्नो पहिलो खेलमा नेदरल्याण्ड्सलाई ३९ रनले हराउँदै विजयी सुरुवात गरेको थियो।