महेश बर्ताैलाकाे प्रश्न : मकवानपुरमा मात्रै २ सय बढी गाई लम्पी रोगका कारण मरिसके, सरकारको कान र आँखा छ कि छैन ?
काठमाडाैं । नेकपा एमालेका सचेतक महेशकुमार बर्ताैलाले लम्पी स्किन राेगकाे नियन्त्रणका लागि सरकारकाे ध्यानाकर्षण गराउनुभएकाे छ ।
मंगलबार बसेकाे प्रतिनिधि सभा बैठककाे शून्य समयमा बाेल्दै सचेतक बर्ताैलाले यस विषयमा पटक-पटक कुरा उठाउँदा पनि बेवास्ता गरेकाे भन्दै आपत्ति जनाउनुभयाे ।
यस राेगबाट मकवानपुरमा मात्रै २ सय बढी गाई मरिसकेका, ५ हजार बढी गाई संक्रमित भएका र यस्ताे समस्या देशका धेरै ठाउँमा देखिएकाे भन्दै उहाँले गाईपालक किसानलाई राहत दिन माग गर्नुभयाे । बर्ताैलाले प्रश्न गर्नुभयाे - 'याे सरकारकाे कान र आँखा छ कि छैन ? यदि सरकारकाे कान र आँखा छ भने, याे सदनमा पटकपटक लम्पि स्किन राेगकाबारेमा कुरा राखिएकाे छ, मकवानपुरमा २ सय बढी गाई यस राेगबाट मरिसके, ५ हजार बढी गाई संक्रमित छन्, देशका धेरै भागमा याे समस्या छ पटकपटक भनियाे सरकार सुन्दैन देख्दै तत्काल याे समस्या समाधान गर्न राेय नियन्त्रका लागि कदम चाल्न र पीडित गाई पालक किसानलाई क्षतिपूर्ति र राहतका लागि माग गर्छु ।'
What's Your Reaction?