एमाले अध्यक्ष ओली आज स्याङ्जा जाँदै
काठमाडाैं । पूर्व प्रधानमन्त्री तथा नेकपा एमाले अध्यक्ष केपी शर्मा ओली आज स्याङ्जा जानुहुने भएकाे छ । जिल्लाको कालीगण्डकी गाउँपालिका र आधिखोला गाउँपालिकाको प्रशासकीय भवन उद्घाटन गर्न अध्यक्ष ओली बिहान त्यसतर्फ जान लाग्नुभएकाे उहाँकाे सचिवालयले जनाएकाे छ ।
उहाँले बिहान ११ बजे आधिखोला गाउँपालिकाको भवन र दिउँसो १ बजे कालीगण्डकी गाउँपालिकाको प्रशासकीय भवनको उद्घाटन गर्ने कार्यक्रम छ ।
त्यसक्रममा अध्यक्ष ओलीले कार्यक्रमलाई सम्बाेधन गर्नुहुनेछ । उहाँले नेता-कार्यकर्तासँग संक्षिप्त भेटघाट गर्नुहुने कार्यक्रम पनि रहेकाे एमाले स्याङ्जाले जनाएकाे छ ।
What's Your Reaction?
