नेहरूको नाममा विश्वविद्यालय छ भने भ्याक्सिन सर्टिफिकेटमा प्रधानमन्त्री मोदीको तस्बिरमा के समस्या : केरला उच्च न्यायालय

केरला उच्च अदालतले भन्यो, "उनी हाम्रा प्रधानमन्त्री हुन्, अरू कुनै देशका प्रधानमन्त्री होइनन्। आफ्नो देशको प्रधानमन्त्रीको फोटो देख्दा तपाईंहरूलाई किन टाउको दुख्छ?  प्रधानमन्त्री मोदी कुनै अरु देशका प्रधानमन्त्री होइन उनी आफ्नो मातृभूमि भारतका प्रधानमन्त्री हुन्,  हामी सबैले भारतका प्रधानमन्त्री माथि गर्व गर्नु पर्दछ ।

केरला उच्च अदालतमा भर्खरै एउटा याचिका दायर गरिएको थियो, जसमा भ्याक्सिन प्रमाणपत्रमा प्रधानमन्त्री नरेन्द्र मोदीको फोटो किन देखिन्छ भनेर गुनासो गरिएको थियो। यस याचिकाको सुनुवाई गर्दै न्यायाधीश पीवी कुन्हिकृष्णनले सर्टिफिकेटमा पीएम मोदीको तस्बिर राख्नुमा के समस्या छ भनेर सोधे। जब जवाहरलाल नेहरूको नाममा विश्वविद्यालय हुन सक्छ भने भ्याक्सिन सर्टिफिकेटमा पीएम मोदीको फोटो राख्नु किन गलत हो भनी अदालतले जनाएको छ ।

याचिकाकर्ताको तर्फबाट उपस्थित अधिवक्ता अजित जोयले व्यक्तिगत भ्याक्सिन सर्टिफिकेटमा प्रधानमन्त्री मोदीको तस्बिरले मौलिक अधिकारको उल्लङ्घन गरेको तर्क गरे। यससँगै पीएम मोदीको तस्बिर उनको भोट गर्ने स्वतन्त्र विकल्पको उल्लंघन हो। यी तर्कहरू सुनेपछि न्यायाधीशले भने, "मैले बुझिन ... हामीले हाम्रो प्रधानमन्त्रीमा गर्व गर्नुपर्छ।"उनले भने, ‘उनी हाम्रा प्रधानमन्त्री हुन्, अरु कुनै देशका प्रधानमन्त्री होइनन् । 100 करोड जनतालाई यो समस्या छैन भने तपाईलाई किन छ? सबैको फरक राजनीतिक विचार छ, तर पनि उहाँ हाम्रो प्रधानमन्त्री हुनुहुन्छ। तपाईले न्यायपालिकाको समय बर्बाद गरिरहनुभएको छ ।”

जब निवेदकले अर्को देशको खोप प्रमाणपत्रमा तस्विर नभएको तर्क गरे, न्यायाधीशले भने, "सायद उनीहरुलाई आफ्नो प्रधानमन्त्रीमा गर्व नहुन सक्छ, तर हामी छौं। खोप प्रमाणपत्रमा प्रधानमन्त्रीको फोटो रहेकोमा तपाईलाई गर्व हुनुपर्छ। यसमा निवेदकले भने, ‘कसैले गर्व गर्ने कि नगर्ने त्यो उसको व्यक्तिगत इच्छा हो ।