बाबरले पाकिस्तानी क्रिकेट टिमको कप्तानबाट दिए राजीनामा

काठमाडौं । क्रिकेटर बाबर आजमले पाकिस्तान क्रिकेट टोलीको कप्तानीबाट राजीनामा दिएका छन् ।

सामाजिक सञ्जालमार्फत् उनले आफ्नो कप्तानी अनुभवलाई अद्भूत भनेका छन् । उनले फ्यानहरुलाई पनि धन्यवाद दिएका छन् ।

बाबरले लेखेका छन्, ‘फ्यानहरू, म आज तपाईंसँग एउटा समाचार साझा गर्दैछु । मैले पाकिस्तान पुरुष क्रिकेट टोलीको कप्तानीबाट राजीनामा दिने निर्णय गरेको छु । टिमको नेतृत्व गर्नु सम्मानको कुरा हो तर अब मैले पद छोडेर आफ्नो खेलमा ध्यान दिने समय आएको छ ।’

बाबरले आफ्नो प्रदर्शनलाई प्राथमिकता दिने बताएका छन् । उनले अब आफ्नो परिवारसँग समय बिताउने समेत लेखेका छन् ।

उनले आफ्नो पोस्टमा लेखेका छन्, ‘तपाईंको समर्थन र ममाथिको विश्वासको लागि म आभारी छु । तपाईंको उत्साह मेरो लागि केही अर्थ छ । हामीले सँगै जे हासिल गर्यौं त्यसमा म गर्व गर्दछु र एक खेलाडीको रूपमा टोलीमा योगदान गर्न जारी राख्न तत्पर छु ।’