माफी मागेपछि जेलबाट रिहा भए ‘सिधाकुरा’का पत्रकार
उनीहरूले माफी मागेमा सात दिन मात्रै थुनामा राख्न आदेश दिइएको थियो । त्यसपछि उनीहरूले माफी मागेर कैद कट्टा गरेका हुन् ।
काठमाडौं । सिधाकुरा डटकमका प्रकाशक युवराज कँडेल र सम्पादक नवीन ढुङ्गाना एक सातापछि कारागारमुक्त भएका छन् ।
समाचार प्रकाशन प्रशारणको विषयमा अदालतको अवहेलना मुद्दामा केन्द्रीय कारागार सुन्धारामा रहेका कँडेल र ढुंगानाले ‘गल्ती भएको भन्दै माफी मागेपछि’ प्रक्रिया पुरा गरेर आइतबार कारागारमुक्त भएका हुन् ।
कारागारमुक्त भएपछि सिधाकुराको कार्यालयमा उनीहरूलाई स्वागत गरिएको छ ।
सर्वोच्च अदालतको ९ सदस्यीय बृहत् पूर्ण इजलासले आइतबार अदालतको मानहानि गरेको ठहर गर्दै उनीहरु दुवैलाई जनही तीन महिना जेल सजाय सुनाएको थियो ।
तर, उनीहरूले माफी मागेमा सात दिन मात्रै थुनामा राख्न आदेश दिइएको थियो । त्यसपछि उनीहरूले माफी मागेर कैद कट्टा गरेका हुन् ।
अख्तियार दुरुपयोग अनुसन्धान आयोगसम्बन्धी मुद्दामा न्यायाधीशहरूले आर्थिक लाभ लिएर फैसला गरेको भन्दै सिधाकुरा अनलाइनले ‘डार्क फाइल’ का नाममा फेक अडियो प्रसारण गरेको थियो । जुन कुरामा अहिले प्रकाशक कँडेल र सम्पादक ढुङ्गाना आफैँले गल्ती भन्दै माफी मागेका छन् ।
उक्त सामग्रीले अदालतको अवहेलना भएको भन्दै सर्वोच्चका उपरजिष्ट्रार गोविन्द घिमिरेले सिधा कुराविरुद्ध निवेदन दिएका थिए ।
‘फेक अडियो’ निर्माण गर्ने राजकुमार तिमल्सिनालाई भने ६ महिना कैद सजाय सुनाइएको छ । तिमल्सिनालाई भने भने माफी मागेपछि नछाडिने भएको छ ।
What's Your Reaction?
