भारतले दियो ३८ करोडका १० वटा स्टील ब्रिज, पाटपुर्जाको पहिलो खेप हस्तान्तरण
काठमाडौं । भारत सरकारले दशवटा प्रिफ्याब्रिकेटेड स्टील ब्रिजका पार्टपुर्जाको पहिलो खेप बुधबार नेपाल सरकारलाई हस्तान्तरण गरेको छ । यी पुलले हालै आएको बाढी र पहिरोका कारण अवरुद्ध भएका सडक कनेक्टिभिटी पुनर्स्थापनामा सहयोग गर्ने नेपालस्थित भारतीय दूतावासले जनाएको छ । ३८ करोडभन्दा बढी मूल्यका यी पुल भारत सरकारले अनुदानका रुपमा प्रदान गरेको हो । यी सामान […]
काठमाडौं । भारत सरकारले दशवटा प्रिफ्याब्रिकेटेड स्टील ब्रिजका पार्टपुर्जाको पहिलो खेप बुधबार नेपाल सरकारलाई हस्तान्तरण गरेको छ ।
यी पुलले हालै आएको बाढी र पहिरोका कारण अवरुद्ध भएका सडक कनेक्टिभिटी पुनर्स्थापनामा सहयोग गर्ने नेपालस्थित भारतीय दूतावासले जनाएको छ । ३८ करोडभन्दा बढी मूल्यका यी पुल भारत सरकारले अनुदानका रुपमा प्रदान गरेको हो ।
यी सामान वीरगञ्जस्थित भारतीय महावाणिज्यदूत श्री देवी सहाय मीनाले पर्साका प्रमुख जिल्ला अधिकारी दिनेश सागर भुसाललाई हस्तान्तरण गरिन् ।
प्रिफ्याब्रिकेटेड स्टील ब्रिजका बाँकी खेप आगामी दिनमा नेपाल सरकारलाई उपलब्ध गराइने दूतावासले जारी गरेको विज्ञप्तिमा उल्लेख छ ।
भारत सरकारले नेपालमा हालै आएको बाढी र पहिरोबाट प्रभावित परिवारका लागि पछिल्लो दुई दिनमा सरसफाई सामग्री, औषधि, लाइफ ज्याकेट, स्लीपिङ्ग म्याट र ब्याग, खाद्यवस्तु, इन्फ्लेटेबल रबर बोट, मोटर, टारपोलिन, कम्बल, क्लोरिन ट्याब्लेट लगायत २५ टनभन्दा बढी राहत सामग्री उपलब्ध गराईसकेको छ ।
What's Your Reaction?