नोबेल साहित्य पुरस्कार प्राप्त उपन्यास ‘दी भेजिटेरिअन’मा के छ ?
काठमाडौं । हान कङ दक्षिण कोरियाली सु-प्रसिद्ध उपन्यासकार हुन् । ५३ वर्षीया उनले नोबेल साहित्य पुरस्कार-२०२४ हात पारेकी छन् । उनले आफ्नो लोकप्रिय उपन्यास ‘दी भेजिटेअन’ का लागि यो पुरस्कार प्राप्त गरेकी हुन् । यससँगै उनी साहित्यतर्फको नोबेल पुरस्कार प्राप्त गर्ने १८औं महिला बनेकी छन् । नोबेल पुरस्कार समितिकाअनुसार कङले ‘ऐतिहासिक सङ्घातको सामना गर्ने र […]
काठमाडौं । हान कङ दक्षिण कोरियाली सु-प्रसिद्ध उपन्यासकार हुन् । ५३ वर्षीया उनले नोबेल साहित्य पुरस्कार-२०२४ हात पारेकी छन् ।
उनले आफ्नो लोकप्रिय उपन्यास ‘दी भेजिटेअन’ का लागि यो पुरस्कार प्राप्त गरेकी हुन् । यससँगै उनी साहित्यतर्फको नोबेल पुरस्कार प्राप्त गर्ने १८औं महिला बनेकी छन् ।
नोबेल पुरस्कार समितिकाअनुसार कङले ‘ऐतिहासिक सङ्घातको सामना गर्ने र मानव जीवनको कोमलता दर्शाउने चरम काव्यात्मक गद्यका लागि’ पुरस्कार प्राप्त गरेकी हुन् ।
के छ ‘दी भेजिटेरिअन’मा ?
‘दी भेजिटेरिअन’ उपन्यासमा एक महिला येओङ-हे मुख्य पात्रका रूपमा छिन्, जसले मासु खान बन्द गर्छिन् र विद्यमान सामाजिक मूल्य-मान्यताहरूलाई अस्वीकार गर्दछिन् ।
उपन्यासको मुख्य विषयवस्तु यही हो । लेखक कङले यो विषयवस्तुलाई शरीर-आत्माको सम्बन्ध, मानसिक स्वास्थ्य-सामाजिक दबाब, पहिचान-संस्कृतिसँग जोडेकी छन् ।
उपन्यासकी पात्र येओङ-हे शाकाहारी बनेर जीवनको अर्थ र व्यक्तिगत पहिचान खोज्छिन् । जब उनले शाकाहारी हुने निर्णय लिन्छिन्, यसले समाज, परिवार र व्यक्तिगत स्वतन्त्रताको सम्बन्धमा गहिरो प्रश्न उठाउँछ ।
उपन्यासमा नारीवाद, स्वतन्त्रता र पारिवारिक दबाबजस्ता विषयहरूलाई समेत समेटिएको छ । उपन्यास पाठकलाई विचार गर्न बाध्य बनाउँछ कि एक व्यक्तिको निर्णय कतिको व्यक्तिगत हुनसक्छ ? र, यसले उसको जीवनमा कस्तो प्रभाव पार्न सक्छ ?
कङको लेखनमा के भेटिन्छ ?
कङ आफ्नो लेखनमा मुख्य रूपमा मानवता र अस्तित्व, सामाजिक तथा राजनीतिक समस्या, संवेदना र चित्तवृत्ति, आध्यात्मिकता र आधुनिकताहरूलाई समेट्दछिन् ।
उनका लेखनमा मनोवैज्ञानिक गहिराइ रहेको भन्दै प्रशंसा गरिन्छ । दक्षिण कोरियाकै एक लेखकले एक सन्दर्भमा कङका बारेमा भनेका थिए, “हान कङ सङ्गठित र गहिरो सामाजिक आलोचनालाई समेट्न माहिर । त्यसैले उहाँलाई साहित्यमा अद्धितीय भन्न सकिन्छ ।”
यसका साथै कङको लेखनशैलीको प्रशंसा गरिन्छ ।
कङका कृतिहरू के-के छन् ?
कङका मुख्य १० भन्दा बढी पुस्तक प्रकाशित छन् ।
जसमा ‘दी भेजिटेरिअन’ (२००७), ‘यूथ रिपब्लिक इज कलिङ यू’ (२००९) ‘ह्यूमन एक्ट्स’ (२०१४), ‘दी ह्वाइट बूक’ (२०१६), ‘दी कलेक्टर्स’ (२०१७), ‘फीभर’ (२०१९) लगायत छन् ।
यसबाहेक उनका अरु कृतिहरू पनि छन् भने थप पुस्तकहरू प्रकाशित गर्ने तरखरमा रहेको भनिन्छ । यीबाहेक पनि उनले अन्यु थुप्रै फुटकल लेख-रचना लेखेकी छन् ।
- सम्बन्धित समाचार
What's Your Reaction?