आजदेखि झापाको काँकरभिट्टाबाट मेची–महाकाली राष्ट्रिय उद्धार यात्रा शुरु
सन्तोष शर्माबनियानी, २८ असोज । झापाको मेचीनगर–६ काँकरभिट्टास्थित मेची पुलबाट आजदेखि मेची–महाकाली राष्ट्रिय उद्धार यात्रा–२०८१ शुरु भएको छ । ‘यो पटक चाडपर्वमा कसैले बस्न नपरोस् सडकपेटीमा’ भन्ने नाराका साथ सहयोगापेक्षी सडक आश्रित मावनहरुको मेची–महाकाली राष्ट्रिय उद्धार यात्रा–२०८१ काँकरभिट्टादेखि शुरु भएको हो । मावन सेवा आश्रम र आनी छोइङ डोल्मा फाउण्डेशनको आयोजनामा यो सडक मानव उद्धार [...] The post आजदेखि झापाको काँकरभिट्टाबाट मेची–महाकाली राष्ट्रिय उद्धार यात्रा शुरु appeared first on Jhapa Online.
सन्तोष शर्मा
बनियानी, २८ असोज । झापाको मेचीनगर–६ काँकरभिट्टास्थित मेची पुलबाट आजदेखि मेची–महाकाली राष्ट्रिय उद्धार यात्रा–२०८१ शुरु भएको छ ।
‘यो पटक चाडपर्वमा कसैले बस्न नपरोस् सडकपेटीमा’ भन्ने नाराका साथ सहयोगापेक्षी सडक आश्रित मावनहरुको मेची–महाकाली राष्ट्रिय उद्धार यात्रा–२०८१ काँकरभिट्टादेखि शुरु भएको हो । मावन सेवा आश्रम र आनी छोइङ डोल्मा फाउण्डेशनको आयोजनामा यो सडक मानव उद्धार अभियान शुरु भएको हो ।
यात्रा आरम्भका क्रममा आज मेचीनगर–६ स्थित काँकरभिट्टाबाट एकजना बोल्न नसक्ने अवस्थाका युवाको उद्धार गरिएको छ । आफ्नो नाम बताउन नसक्ने युवालाई उद्धार गरी मेचीनगर–४ आमडाँगीस्थित मानव सेवा आश्रममा राखिएको मानव सेवा आश्रमका संस्थापक अध्यक्ष रामजी अधिकारीले दिनुभयो ।
काँकरभिट्टाबाट शुरु भएको आजको यात्रा झापाको सुरुङ्गा, शिवसताक्षी, पाडाजुँगी, दमक, मोरङको उर्लाबारी, कानेपोखरी, सुन्दरहरैंचासम्म पुग्ने उहाँले बताउनुभयो । झापामा उद्धार गरिएका सडक मानवहरुलाई मानव सेवा आश्रम मेचीनगरमा राखिनेछ । “हरेक जिल्लामा उद्धार गरिएकाहरुलाई सोही जिल्लामा राखिनेछ”, उहाँले भन्नुभयो ।
जिल्लाका अन्य स्थानबाट उद्धार गरिएका सडक मानवहरुलाई दमकस्थित दाहाल प्रतिष्ठानको बगैंचामा स्नान तथा भोजन गराइनेछ ।
यात्रा शुभारम्भको पूर्वसन्ध्यामा मेचीनगरस्थित मेची पुलमा शान्ति दीप प्रज्वलन गरिएको थियो । आश्रमका अध्यक्ष रामजी अधिकारी, फाण्डेशनकी अध्यक्ष आनी छोइङ डोल्मा, बिर्तामोड नगरपालिकाका उपप्रमुख नगेन्द्रप्रसाद संग्रौला, मेचीनगर उपप्रमुख मीना पोखरेल उप्रेती लगायतका जनप्रतिनिधि तथा सामाजिक अभियन्ताहरुले शान्ति दीप प्रज्वलन गर्नुभएको थियो ।
यसअघि, असोज २६ गते प्रधानमन्त्री केपी शर्मा ओलीले उद्धार यात्राको शुभारम्भ गर्नुभएको थियो । कसैले पनि अनाथ भएर बस्नु नपरोस् भन्ने ध्येयले शुरु गरिएको यो यात्रा आगामी कात्तिक २८ गते सकिने छ ।
The post आजदेखि झापाको काँकरभिट्टाबाट मेची–महाकाली राष्ट्रिय उद्धार यात्रा शुरु appeared first on Jhapa Online.
What's Your Reaction?