गोलमालमा समेत अभिनय गरेका हास्य कलाकार अतुल परचुरेको ५७ वर्षको उमेरमा निधन

मुम्बई । भारतीय अभिनेता तथा हास्यकलाकार अतुल परचुरेको निधन भएको छ । ५७ वर्षका उनलाई क्यान्सर भएको थियो ।

मराठी नाटक ‘सूर्यची पिल्लई’मा रिहर्सल गरिरहेका बेला परचुरेको स्वास्थ्य बिग्रियो । पाँच दिनअघि अतुललाई फेरि अस्पतालमा भर्ना गरिएको जयवंतले बताए । उनी सन् २०२२ देखि क्यान्सरसँग लडिरहेका थिए ।

अतुल परचुरेले बलिउडमा ‘गोलमाल’, ‘पार्टनर’, ‘क्योँ की’ र ‘आवरापन’ जस्ता धेरै फिल्ममा काम गरेका थिए । उनी कपिल शर्माको शोमा पनि देखा परेका थिए ।

यस बाहेक उनले मराठी स्टेजमा आफ्नो अभिनयबाट धमाका मच्चाए । अतुलले मराठी फिल्म र धेरै टिभी सिरियलहरूमा पनि काम गरेका छन् ।

धेरै फिल्ममा हास्य भूमिका निभाएका अतुलले टिभी शो ‘आरके लक्ष्मण की दुनियाँ’ बाट आफ्नो करियर सुरु गरेका थिए ।

उनले रोहित शेट्टीको फिल्म ‘अल द बेस्ट’ मा धोन्डुको भूमिका निभाएका थिए । उनी इमरान हाशमी स्टारर फिल्म ‘आवारापन’ मा पनि देखिएका थिए ।