३० कटेसी महत्त्वपूर्ण छन् यी भिटामिन

एजेन्सी । स्वस्थ रहनु हरेक उमेर अवस्थामा महत्त्वपूर्ण हुन्छ । विशेष गरी ३० वर्षको उमेर पछि स्वास्थ्यको विशेष हेरचाह आवश्यक पर्छ । जब महिलाहरूको उमेर ३० वर्ष नाघ्छ, शरीरले पोषक तत्त्वको कमीका सङ्केतहरू देखाउन थाल्छ ।

यस्तो अवस्थामा महिलाहरूले आफ्नो स्वास्थ्यको ख्याल राख्न आफ्नो आहारमा भिटामिनहरू समावेश गर्नु आवश्यक छ । आउनुहोस् जानौँ ती भिटामिनहरूको बारेमा जुन महिलाहरूले आफ्नो आहारमा अनिवार्य रूपमा समावेश गर्नुपर्छ ।

भिटामिन ई

स्वस्थ रहनको लागि भिटामिन ई शरीरमा हुनु अत्यन्त आवश्यक छ । यो एक शक्तिशाली एन्टी–अक्सिडेन्ट हो, जसले अक्सिडेटिभ स्ट्रेससँग लड्छ, प्रतिरक्षा प्रणालीलाई बलियो बनाउँछ र डीएनए मर्मतलाई सहयोग गर्छ ।

भिटामिन डी

भिटामिन डी पनि एक महत्त्वपूर्ण पोषक तत्त्व हो, जसलाई आहारमा अनिवार्य रूपमा समावेश गर्नुपर्छ । यो क्याल्सियम सोस्नको लागि आवश्यक छ, जसले हड्डीको स्वास्थ्य र प्रतिरक्षा कार्यको ख्याल राख्छ । यति मात्र होइन ३० वर्षको उमेर पछि भिटामिन डीले मल्टिपल स्क्लेरोसिस र केही प्रमुख क्यान्सरबाट पनि बचाउँछ ।

भिटामिन बी

यसले ऊर्जा र मेटाबोलिज्ममा सुधार ल्याउँछ, मस्तिष्क कार्य र हर्मोनल असन्तुलनमा सुधार ल्याउँछ । यसले मेनोपजका लक्षणहरूबाट पनि राहत दिन्छ र एक उमेर पछि बौद्धिक क्षमतालाई प्रभावित हुनबाट रोक्छ ।

भिटामिन सी

यो एक यस्तो एन्टी–अक्सिडेन्ट हो, जसले कोलाजन उत्पादनलाई बढाउँछ, छालाको स्वास्थ्य राम्रो बनाउँछ, फाइन लाइन्स र चाउरीहरू कम गर्छ, समय भन्दा अगाडि बूढो हुनबाट बचाउँछ र प्रतिरक्षा बढाउँछ ।

भिटामिन के

यो हड्डीको स्वास्थ्य र मुटुको स्वास्थ्यको लागि अत्यन्त आवश्यक भिटामिन हो । मेनोपजपछि महिलाहरूमा यसले हड्डी भाँच्चिनबाट बचाउँछ । त्यसैले ३० वर्षको उमेर पछि जब हड्डीहरूले क्याल्सियमको कमी हुन थाल्छ, तब भिटामिन केको पर्याप्त मात्रा अनिवार्य रूपमा लिनुपर्छ ।