कनकाई वडास्तरीय फुटबल : कनकाई–३ को विजयी सुरुवात
कनकाई, ९ कात्तिक । झापाको कनकाई नगरपालिका–३ स्थित कनकाई माविको खेल मैदानमा वडास्तरीय फुटबल प्रतियोगिता शुरु भएको छ । यहाँस्थित होटल डिलाइट र अमेरिकास्थित नेप्लिज मिलेट्री भेट्रान क्लब आयोजनामा आयोजित प्रतियोगिताको उद्घाटन खेलमा वडा नम्बर ३ ले पहिलो खेलमा जित हासिल गरेको छ । ३ नम्बरले ७ नम्बरलाई ३—१ गोल अन्तरले पराजित गरेको हो । [...] The post कनकाई वडास्तरीय फुटबल : कनकाई–३ को विजयी सुरुवात appeared first on Jhapa Online.
कनकाई, ९ कात्तिक । झापाको कनकाई नगरपालिका–३ स्थित कनकाई माविको खेल मैदानमा वडास्तरीय फुटबल प्रतियोगिता शुरु भएको छ ।
यहाँस्थित होटल डिलाइट र अमेरिकास्थित नेप्लिज मिलेट्री भेट्रान क्लब आयोजनामा आयोजित प्रतियोगिताको उद्घाटन खेलमा वडा नम्बर ३ ले पहिलो खेलमा जित हासिल गरेको छ । ३ नम्बरले ७ नम्बरलाई ३—१ गोल अन्तरले पराजित गरेको हो । विजयी टिम ३ नम्बरका लागि खेलको पहिलो हाफमा सबै गोल सम्भव भएको हो । जसमा खेलको १९ मिनेटमा रोहन कार्की, २१ मिनेटमा अरुण श्रेष्ठ र २४ मिनेटमा क्षितिज कुवँरले गोल गर्नुभएको थियो ।
यता वडानम्बर ७ का खेलाडी अमुल्य लिम्बुले भने खेलको ३१ औ मिनेटमा गोल गरेपनि टिमको हारलाई भने टार्न सकेनन उनको गोल शान्तनामा परिणत भएको थियो । कनकाई ३ दोस्रो हाफमा एक खेलाडीले दोहोरो एलो कार्ड खादै मैदान बाहिरीदा कनकाई ३ नम्बर १० खेलाडीमा सिमित हुन पुगेको थियो तर ७ नम्बरले यसको फाइदा उठाउन भने सकेन ।
खेलको म्यान अफ द म्याच बिजयी टिमका खेलाडी छितिज कुँबर हुनुभयो । उहाँलाई आयोजक समितिका ख्याम ओली, आशिस संग्रौला लगायातले नगद १५ सय सहित पुरस्कृत गर्नुभयो । उहाँ भारतीय टिम राजस्थान रोयल्सबाट व्यावसायिक फुटबल समेत खेलिरहनुभएको छ । कनकाई ३ राष्ट्रिय खेलाडी रोहन कार्की सहित टिममा उत्रिएको थियो ।
कनकाई माविको खेल मैदानमा आज कार्तिक ९ गतेदेखि आयोजित प्रतियोगिताको भोली शनिवार २ खेलहरु हुनेछन । पहिलो खेल कनकाई ९ र १ नम्बर वार्ड बिच दिउसो १ बजे र दोस्रो खेल वार्ड नम्बर ८ र ४ बिच दिउसो ३ बजे हुने छ ।
प्रतियोगिताको उद्घाटन झापा क्षेत्र नं. ४ का सांसद एलपी साँबा लिम्बूले गर्नुभएको थियो । साँवाले विदेशमा रहेर पनि खेल क्षेत्रको विकासका लागि यहाँका सचेत युवाले पहल गरेको भन्दै प्रसंसा गर्नुभयो ।
कार्यक्रमको औचित्यमाथि प्रकाश पार्दै कार्यक्रम संयोजक दिपेन ओलीले यस क्षेत्रका खेलप्रेमी जनताको भावनालाई मर्न नदिन फुटबल खेलको आयोजना गरिएको बताउनुभयो ।
कात्तिक १४ गतेसम्म चल्ने दसैं–तिहार कप नकआउँट फुटबल प्रतियोगिता बिजयी हुने टिमले नगद ७१ हजार नगद र दोस्रो हुने टिमले नगद ३५ हजार रुपैयाँ प्राप्त गर्ने पूर्व आर्मी आशिष संग्रौलाले जानकारी दिनुभयो ।
प्रतियोगितामा कनकाई नगरपालिकाका ९ वार्डका ९ टिम र कनकाई भेट्रान्सको एक टिमले भाग लिने छ । प्रतियोगिता कनकाई नगरपालिका–३ स्थित कनकाई माविको खेल मैदानमा आयोजना भइरहेको छ । खेल अघि यहाँस्थित कनकाई सुरुङ्गा प्रेस क्लब र कनकाई भेट्रान्सबीच भएको मैत्रीपूर्ण खेलमा कनकाई भेट्रान्स ७–० गोल अन्तरले विजयी बनेको थियो ।
The post कनकाई वडास्तरीय फुटबल : कनकाई–३ को विजयी सुरुवात appeared first on Jhapa Online.
What's Your Reaction?
