गृहमन्त्रीलाई भेटेर अर्यालले के भने ?

काठमाडौं । राष्ट्रिय स्वतन्त्र पार्टी (रास्वपा) का उपसभापति डोलप्रसाद अर्याल (डीपी) ले गृहमन्त्री रमेश लेखक भेटेका छन् ।

अर्यालले सोमबार साँझ सिंहदरबारस्थित गृह मन्त्रालय नै पुगेर मन्त्री लेखकलाई भेटेका हुन् ।

भेटमा समसामयिक विषयमा कुराकानी गरेको अर्यालले बताए । “आजको हाम्रो आन्दोलनबाट जानकारी गराएँ, अरु कुरा भएन,” अर्यालले भने ।

पार्टी सभापति रवि लामिछाने पक्राउविरुद्ध रास्वपाले शृङ्खलाबद्ध आन्दोलन गर्दै आएको छ । सहकारी ठगीसम्बन्धी प्रकरणमा गत कात्तिक २ गते काठमाडौंमा पक्राउ परेका रवि अहिले जिल्ला प्रहरी कार्यालय, कास्कीको हिरासतमा छन् ।

रास्वपा नेता, कार्यकर्ता तथा समर्थकले पोखरा र काठमाडौं दुबैतिर विरोध प्रदर्शन गर्दै आएका छन् ।