धूमपानबाट छुटकारा पाउन अपनाउनुहोस् यी उपाय

काठमाडौं । आजकल धूमपान गर्ने बानी युवामा बढी देखिन थालेको छ । चुरोटमा निकोटिन भन्ने रसायन हुन्छ, जसले दिमागलाई केही समयको लागि शान्ति दिन्छ ।

यही केही समयको शान्ति पछि कहिले लत बन्छ, थाहा पनि हुँदैन । यसको धुवाँले फोक्सोमा नराम्रो असर गर्छ, यहाँसम्म कि कपाल र छालालाई पनि नोक्सान गर्छ ।

जसले गर्दा कम उमेरमै अनुहारमा चाउरी र कपाल सेतो देखिन थाल्छ । यदि तपाईं पनि धूमपानको लतमा फस्नु भएको छ भने, यहाँ बताइएका उपायहरू अपनाउन सक्नुहुन्छ । यसले तपाईंको धूमपानको लत छुटाउन केही हदसम्म सहयोग गर्नेछ ।

मरिच

मरिच एउटा यस्तो मसला हो, जसमा इसेन्सियल तेल हुन्छ । जसले धूमपानको लत छुटाउन तपाईंलाई पूर्ण सहयोग गर्न सक्छ ।

एउटा सुती कपडा लिनुहोस्, यसमा मरिचको तेलका केही थोपा हाल्नुहोस् । अब यसले आफ्नो छातीमा मालिस गर्नुहोस् । यो तरिकाले तपाईंको धूमपानको लत कम गर्न सक्छ । यसका साथै स्मूदी वा मोहीमा पनि मरिचको इसेन्सियल तेल मिसाएर पिउनुहोस् । यसले तपाईंको निकोटिनको लतलाई शान्त पार्नेछ ।

धूमपान छुटाउने उपाय

यदि घरेलु उपायहरू प्रभावकारी छैनन् भने आफ्नो डाक्टरसँग निकोटिन रिप्लेसमेन्ट चुइंगम, इनहेलर वा नाकमा छर्ने स्प्रे जस्ता उपचारहरूको बारेमा कुरा गर्नुहोस् । किनभने स्प्रे र इनहेलर केवल प्रेस्क्रिप्सनद्वारा उपलब्ध हुन्छ, त्यसैले स्वास्थ्य विशेषज्ञहरूसँग परामर्श लिनु महत्त्वपूर्ण छ ।

हरेक व्यक्तिमा फरक उपचार फरक तरिकाले गरिन्छ । यस्तो अवस्थामा डाक्टरले तपाईंको स्वास्थ्य र लतलाई मध्यनजर गर्दै समाधान दिनेछन् ।