साफ च्याम्पियनसिपमा नेपाल हारेको प्रसङ्गमा बाबुरामको ‘पाठ’ : खेल र राजनीति सामूहिकताले चल्छन्

काठमाडौं । पूर्वप्रधान्त्री एवम् नेपाल समाजवादी पार्टी (नेसपा) अध्यक्ष डा. बाबुराम भट्टराईले खेल, राजनीति सामूहिकताले मात्रै सम्भव हुने बताएका छन् ।

साफ महिला च्याम्पियनसिपअन्तर्गत फाइनल खेलमा बंगलादेशसँग हारेको नेपाली टोलीलाई सहानुभूति दिँदै भट्टराईले यस्तो बताएका हुन् ।

उनले आफ्नो आधिकारिक एक्समा लेखेका छन्, “पाठ- खेल, राजनीति, व्यवसाय, युद्ध, परिवार सामूहिकताले चल्छन् । अत: सबैतिर हिरो/हिरोइन पूजा गर्नु सट्टा टिम र संस्था निर्माण गर्न ध्यान दिउँ ।”

उनले बंगलादेशको जितलाई ‘सामूहिक कर्म’को फल भनेका छन् । नेपाली टोलीलाई सहानुभूति दिने क्रममा उनले भनेका छन्, “भनिन्छ- हारेको सेनाले बढी सिक्छ । हामीले पनि सिक्नुपर्छ र अर्कोचोटि जित्ने कोसिस गर्नुपर्छ ।”