हङकङ सिक्सेज : श्रीलंकासँग हार्दै नेपालको यात्रा क्वार्टरफाइनलमा रोकियो

काठमाडौं । हङकङ सिक्सेजमा नेपालको यात्रा  क्वार्टरफाइनलमा समाप्त भएको छ।

मोङ कोकमा शनिबार भएको क्वार्टफाईनल खेलमा नेपाल श्रीलंकासँग ४० रनले पराजित भएको हो । यससँगै श्रीलंका सेमिफाइनल पुग्दा नेपालको यात्रा भने समाप्त भएको छ ।

१२४ रनको लक्ष्य नेपाले ५ ओभरमा अलआउट हुँदा मात्र ८३ रन बनाएको हो ।

नेपालका लागि राशिद खानले अर्धशतक बनाए पनि जितको लागि पर्याप्त हुन सकेन । उनले १८ बलमा १ चौका र ८ छक्का प्रहार गरे ।

अन्य खेलाडी श्रीलंकाका तीव्र गतिका बलरसामु टिक्न सकेनन् । नारायण जोशीले १३ रन बनाए ।

विवेक यादवले ५ र लोकेश बमले २ रन बनाए । कप्तान सन्दीप जोरा डकआउट भए । प्रतिश जिसी पनि डकआउट भए ।

श्रीलंकाका लागि लाहिरु समाराकून र थारिन्दु रथनायकेले २ २ तथा धनन्जय लक्ष र लिहुरु मधुशंकाले १ १ विकेट लिए ।

पहिले ब्याटिङ गरेको श्रीलंकाले पूरै ६ ओभर खेलेर २ विकेटको क्षतिमा १२३ रन बनायो ।

श्रीलंकाका लागि सन्दुन विराक्कोडीले ५० र कप्तान लिहुरु मधुशंकाले अविजित ३१ रन बनाए । नेपालका लागि प्रतिश जिसी र नारायण जोशीले १ १ विकेट लिए ।

टस जितेर नेपालले बलिङ रोजेको हो । यसअघि नेपालले इंग्ल्याण्ड र अष्ट्रेलियालाई पराजित गरेको थियो ।