ट्रम्पले भने – मस्क रिपब्लिकन पार्टीको ‘नयाँ स्टार’

काठमाडौं । अमेरिकाको राष्ट्रपति पदमा आफ्नो विजयको घोषणा गरेपछि रिपब्लिकन पार्टीका उम्मेदवार डोनाल्ड ट्रम्पले आफ्नो भाषणमा इलोन मस्कको नाम पनि उल्लेख गरेका छन् ।

सामाजिक सञ्जाल साइट एक्सका मालिक मस्कले ट्रम्पको चुनावी अभियानमा ठूलो भूमिका खेलेका थिए ।

ट्रम्पले मस्कलाई रिपब्लिकन पार्टीको ‘नयाँ स्टार’ भनेका छन् । ट्रम्पले उनलाई अद्भुत व्यक्ति भनेर सम्बोधन गरेका छन् ।

त्यसैगरी केही समयअघि मस्कले एक एक्स पोस्टमा लेखेका थिए, ‘अमेरिकी जनताले परिवर्तनका लागि डोनाल्ड ट्रम्पलाई स्पष्ट बहुमत दिएका छन् ।’

ट्रम्पले अमेरिकी राष्ट्रपतीय निर्वाचनमा आफ्नो जित घोषणा गरिसकेका छन् तर, औपचारिक घोषणा भने भइसकेको छैन ।