मनाङमा ९ जना सवार जीप दुर्घटना

काठमाडौं ।  मनाङको नासो गाउँपालिका–३ स्थित धारापानीमा  जीप दुर्घटना भएको छ।

पोखराबाट मनाङ जाँदै गरेका ९ जना यात्रु सवार ग १ ज ६९४२ नम्बरको जीप बिहीबार दिउँसो  धारापानी प्रहरी चौकी नजिकै दुर्घटना भएको जिल्ला प्रहरी कार्यालय मनाङले जनाएको छ ।

जीपमा सवार सबै यात्रु स्याङ्जाका रहेको र उनीहरु पोखराबाट जिप रिजर्भ गरी खान्सारतर्फ जाँदै गरेको प्रहरीले जनाएको छ ।

अहिले जेसीबीको सहयोगमा जिप निकाल्ने काम भइरहेको बताइएको छ । घटनाबारे आवश्यक अनुसन्धान भइरहेको प्रहरीले जनाएको छ।

जीपमा सवार सबै यात्रु सकुशल रहेको बताइएको छ ।