यी स्थान जहाँ महिना दिन अन्धकार हुन्छ, कहिले महिनौं सूर्य अस्ताउँदैन !

काठमाडौं । सूर्य उदाउनु र साँझको समयमा अस्ताउनु एक सामान्य प्रक्रिया हो । हामी २४ घण्टामा एक पटक सूर्यलाई उदाउँदै र अस्ताउँदै देख्छौँ ।

तर, के तपाईंलाई थाहा छ कि केही स्थानमा सूर्य महिना–भर अस्ताउँदैन ? यहाँ दिनरात सूर्यको प्रकाश रहन्छ र मानिसको काम पनि जारी रहन्छ । आउनुहोस्, यस्ता रोचक स्थानबारे जानौँ ।

नर्वे यस्तो देश हो, जहाँ ७६ दिनसम्म लगातार सूर्य चम्किरहन्छ । मे महिनादेखि जुलाईको अन्त्यसम्म यहाँ सूर्यास्त हुँदैन ।

यहाँको स्वालबार्डमा सूर्य १० अप्रिलमा उदाउँछ र २३ अप्रिलसम्म अस्ताउँदैन । यसै गरी आइसल्यान्डमा पनि मेदेखि जुलाईसम्म सूर्य चम्किरहन्छ । यहाँ रातको समयमा पनि झरना, सुन्दर उपत्यका, ग्लेचर र जङ्गलको आनन्द लिन सकिन्छ ।

क्यानडाको नुनावुत शहरमा पनि २ महिना सूर्य अस्ताउँदैन । सूर्य अस्ताउन नसक्दा यहाँको तापमान ५० डिग्री सेल्सियससम्म पुग्न सक्छ, जबकि हिउँदको समयमा यहाँ एक महिना अन्धकार रहन्छ ।

स्वीडेनमा पनि यस्तै अवस्था छ । यहाँ मे महिनाको सुरुतिर देखि अगस्टको अन्त्यसम्म आधा रातमा सूर्य अस्ताउँछ र करिब ४ बजे उदाउँछ । स्वीडेनमा ६ महिना सूर्यको चमक रहन्छ ।

अमेरिकाको अलास्कामा भने आधा रातको समयमा सूर्य केवल ५१ मिनेटमा  मात्र देखिन्छ । मे महिनाको सुरुतिरदेखि जुलाईसम्म यहाँ सूर्य लगातार रहन्छ र नोभेम्बर महिनाको सुरुतिरदेखि ३० दिनसम्म सूर्य उदाउँदैन । यसलाई पोलर नाइट भनिन्छ ।

यसैगरी फिनल्यान्डमा ७३ दिनसम्म सीधा सूर्यको प्रकाश रहन्छ र त्यसपछि बाकी समय सूर्यको किरण बिना नै दिन बित्छ । यही कारणले यहाँको व्यक्तिहरूको तालिका पनि भिन्न हुन्छ ।