कागेश्वरीमा गाडीको ठक्करबाट बालकको मृत्यु

काठमाडौं ।

मुलपानीमा गाडीको ठक्करबाट एक बालकको मृत्यु भएको छ ।

कागेश्वरी मनोहरा नगरपालिका-६ मुलपानी तिवारी टोलस्थित सडकमा बा.११ च ७६०९ नम्बरको हात्ती गाडीको ठक्करबाट पैदलयात्री सोही ठाउँ बस्ने महोत्तरी गौशला नगरपालिका-१० घर भएका गणेश थापा मगरको छोरा ९ वर्षीय शिव थापा मगरको मृत्यु हो ।

मंगलबार दिउँसो भएको उक्त दुर्घटनामा गम्भीर घाइते भएका उनको शंखरापुर अस्पताल नारायणटार हुँदै ग्राण्डी अस्पताल टोखामा बुधबार दिउँसो उपचारको क्रममा मृत्यु भएको प्रहरीले जानकारी दिएको छ ।

प्रहरीले गाडी चालकलाई नियन्त्रणमा लिई दुर्घटना बारे आवश्यक अनुसन्धान गरिरहेको छ ।