बारम्बार रुघाखोकी लाग्नु यी स्वास्थ्य समस्याको संकेत !

काठमाडौं । रुघाखोकीको समस्यालाई हल्का रूपमा नलिनुहोस् । यदि तपाईंलाई बारम्बार रुघाखोकी लाग्छ भने, सावधान हुनु आवश्यक छ ।

यदि तपाईंको रोग प्रतिरोधात्मक प्रणाली कमजोर छ भने, रुघाखोकीको समस्याले बारम्बार सताउन सक्छ । त्यसैले कमजोर रोग प्रतिरोधात्मक क्षमता भएका व्यक्तिहरूले मौसम परिवर्तन हुँदा आफ्नो स्वास्थ्यको विशेष ख्याल राख्नुपर्छ ।

रुघाखोकीको समस्याले केही रोगहरूतर्फ संकेत गर्न सक्छ, आउनुहोस् त्यस्ता केही रोगहरूको बारेमा जानौँ ।

फोक्सोको स्वास्थ्यमा प्रभाव

रुघाखोकीको समस्याको कारण फोक्सोको स्वास्थ्यमा नराम्रो असर पर्न सक्छ । बारम्बार रुघाखोकी लाग्नाले तपाईंलाई फोक्सोसँग सम्बन्धित गम्भीर र खतरनाक रोग लाग्न सक्छ।

निमोनिया वा ब्रोन्काइटिस जस्ता रोगको कारण बारम्बार रुघाखोकी लाग्नु हुनसक्छ । त्यसैले बारम्बार रुघाखोकी लाग्ने गरेमा चिकित्सकसँग परामर्श गर्नु अत्यन्त आवश्यक छ ।

रुघाखोकीको समस्याले दमको समस्यालाई धेरै बढाउन सक्छ । यसबाहेक सधैँ रुघाखोकी लाग्नु साइनसको संकेत पनि हुन सक्छ ।

रुघाखोकीको कारणले तपाईंलाई मध्य कान संक्रमण हुन सक्छ । कानमा यस्तो संक्रमण भाइरस वा ब्याक्टेरियाको कारणले हुन सक्छ ।

बच्ने तरिका

सबैभन्दा पहिला यदि तपाईं धूमपान गर्नुहुन्छ भने छोड्नुपर्छ । यसबाहेक आफ्नो आहारमा तातो प्रकृतिका खानेकुराहरू समावेश गर्नुपर्छ र बाहिरको खाना वा तारेको–भुटेको खाना खानबाट टाढा रहनुपर्छ ।

आफ्नो आहारलाई स्वस्थ र सन्तुलित राख्ने प्रयास गर्नुहोस्, जसले तपाईंको रोग प्रतिरोधात्मक प्रणालीलाई बलियो बनाउन सकोस् ।