भ्रष्टाचारविरुद्धको अन्तर्राष्ट्रिय दिवस आज विभिन्न कार्यक्रम गरी मनाइँदै

काठमाडौं ।

भ्रष्टाचारविरुद्धको अन्तर्राष्ट्रिय दिवस आज नेपालमा पनि विभिन्न कार्यक्रम गरी मनाइँदै छ। दिवसको अवसरमा काठमाडौंको माइतीघरमा विशेष कार्यक्रम आयोजना गरिएको छ। कार्यक्रममा नेपाल प्रहरी, भ्रष्टाचार विरोधी अभियन्ताहरु सहभागी छन् ।

संयुक्त राष्ट्रसंघले सन् २००३ मा भ्रष्टाचारविरुद्धको अन्तर्राष्ट्रिय महासन्धि पारित गरेपछि विश्वभर डिसेम्बर ९ तारिखमा दिवस मनाउन थालिएको हो।

भ्रष्टाचारविरुद्ध आवाज बुलन्द पार्ने उद्देश्यले हरेक वर्ष दिवस मनाइए पनि भ्रष्टाचार रोकिएको छैन । नेपालमा भ्रष्टाचारका नयाँनयाँ रुपहरु देखिँदै आएका छन् ।

ट्रान्सपरेन्सी इन्टरनेसनले सार्वजनिक गरेको सन् २०२३ को भ्रष्टाचार अनुभूति सूचकाङ्क (करप्सन पर्सेप्सन इन्डेक्स–सिपिआई)मा नेपाल भ्रष्टाचार व्याप्त मुलुकहरुको सूचीमा छ। सिपिआईमा नेपाल ३५ अङ्कसहित एक सय आठौं स्थानमा छ।