सुपर ओभरमा विराटनगरलाई पोखराले हरायो, प्लेअफ सम्भावना कायमै

काठमाडौं । नेपाल प्रिमियर लिग एनपीएलको आजको खेलमा रोमाञ्चक रुपमा पोखरा एभेन्जर्सले जित हासिल गरेको छ ।

पोखराले विराटनगर किंग्सलाई सुपर ओभरमा १३ रनले पराजित गरेको हो । त्रिवि अन्तर्राष्ट्रिय क्रिकेट मैदानमा एनपीएलकै पहिलो सुपर ओभरमा विराटनगरले कमजोर प्रदर्शन गर्यो ।

१९ रनको लक्ष्य पछ्याएको विराटनगरले मात्र पाँच रन बनाउन सक्यो । जितसँगै पोखराको प्लेअफमा पुग्ने सम्भावना कायमै छ । विराटनगरको पनि झिनो सम्भावना बाँकी छ ।

सुपर ओभरमा पहिले ब्याटिङ गरेको पोखराले १८ रन बनायो । रेमन रेफरले अविजित १७ रन बनाए ।

त्यसअघि १४० रनको लक्ष्य पछ्याएको पोखराले ६ विकेट गुमाउँदै १३९ रन बनाएपछि खेल बराबरी भएको थियो ।