जय ट्रफी : आर्मीविरुद्ध ललितको फाइफर

काठमाडौं । जय ट्रफी एलिट कप क्रिकेटको पहिलो दिन त्रिभुवन आर्मी क्लबविरुद्ध नेपाल पुलिस क्लबका ललित राजवंशीले व्यक्तिगत पाँच विकेट लिएका छन् ।

वीरगञ्जस्थित नारायणी क्रिकेट मैदानमा जारी खेलमा पुलिसका बलरसामु आर्मीका ब्याट्सम्यान रन जोड्न सङ्घर्ष गरिरहेका छन् ।

ललितले १० ओभरमा ३६ रन खर्चेर ५ विकेट पूरा गरेका हुन् । सो क्रममा उनले ४ मेडन ओभर फाले ।

ललितले १.२ ओभरमा सन्तोष कार्कीलाई १ र १.६ ओभरमा त्रित राज दासलाई शून्यमा आउट गरे । ७.१ ओभरमा उनले सोमपाल कामीलाई ५ रनमा आउट गरे ।

२४.३ ओभरमा बसिर अहमदलाई १२ रनमा आउट गरे । सोही ओभरको अन्तिम बलमा उनले विनोद भण्डारीलाई पनि २१ रनमा आउट गरे ।

आर्मीले ३० ओभरमा ८ विकेटको क्षतिमा १०७ रन बनाएको छ ।