‘मनका कुरा सिजन–टू’ लिएर आउँदै वसन्त चौधरी

काठमाडौं । उद्योगी वसन्त चौधरीले टेलिभिजन टक शो ‘मनका कुरा सिजन–टू’ लिएर स्रोता दर्शकमाझ आउने भएका छन् ।

‘मनका कुरा विथ वसन्त चौधरी सिजन–टू’ नाम दिइएको यो कार्यक्रम प्राइम्स टाइम्स टीभीबाट प्रसारण हुनेछ ।

यो टक शो चाँडै आउने गीतकार तथा कविसमेत रहेका चौधरीले सामाजिक सञ्जालमार्फत जानकारी दिएका हुन् ।

अघिल्लो सिजनमा दर्शक–स्रोताले दिएको मायाले उत्साहित भएर आफूले सिजन–टू ल्याउन लागेको उनले बताएका छन् ।

‘अघिल्लो सिजनमा अलि बढी औपचारिक भएँकि जस्तो लाग्यो । यस सिजनमा अति नै खुलेर कुरा गर्नेछु,’ उनले भनेका छन् ।

सीजी इन्टरटेरमेन्टको प्रस्तुतिमा यो टस शो सुरु हुन लागेको हो ।