दैनिक एक गिलास दूध पिउँदा आन्द्राको क्यान्सरको जोखिम कम हुन्छ

एजेन्सी । कोलोरेक्टल क्यान्सर अर्थात् मलाशयमा हुने क्यान्सरले विश्वभरि लाखौँ मानिसहरू पीडित छन् ।

यो क्यान्सरको सबैभन्दा सामान्य प्रकारहरू मध्ये एक हो । यद्यपि, स्वस्थ आहारको माध्यमबाट तपाईं यस खतरनाक प्रकारको क्यान्सरलाई केही हदसम्म नियन्त्रण गर्न सक्नुहुन्छ ।

एक नयाँ अनुसन्धानकाअनुसार हरेक दिन एक गिलास दूध पिउनाले मलाशयमा हुने क्यान्सरको जोखिम कम गर्न मद्दत गर्न सकिन्छ । दूध समग्र स्वास्थ्यको लागि धेरै फाइदाजनक हुन्छ ।

अक्सफोर्ड विश्वविद्यालयका केरेन पेपियरद्वारा गरिएको एक हालैको अनुसन्धानअनुसार दैनिक आहारमा एक गिलास दूध पिउनाले कोलोरेक्टल क्यान्सर हुने जोखिम कम हुन सक्छ ।

१६ वर्षको यस अनुसन्धानमा ५ लाख ४२ हजार ७७८ महिलाहरूको खाने बानी र स्वास्थ्य परिणामहरूको अनुगमन गरिएको थियो । यो राम्ररी बुझ्नको लागि गरिएको थियो कि कसरी विशेष खाद्य पदार्थहरू र पोषक तत्त्वहरूले सबैभन्दा सामान्य प्रकारको क्यान्सरबाट बचाउन मद्दत गर्न सक्छ ।

१६ वर्षको अनुसन्धानअनुसार १२ हजार २५१ महिलालाई कोलोरेक्टल क्यान्सर भयो । जसले अनुसन्धानकर्ताहरूलाई खाने बानी र क्यान्सरको जोखिम बिचको सम्बन्धको बारेमा थप जानकार बनायो ।

क्यान्सरबाट बचाउने पोषकमध्ये क्याल्सियम एक भनेर पहिचान गरिएको छ । जुन महिलाहरूले बढी क्याल्सियमयुक्त खाना खाए, उनीहरूमा कोलोरेक्टल क्यान्सर हुने जोखिम कम थियो । जुनसुकै स्रोतबाट आएको भए पनि क्याल्सियमले स्वास्थ्यमा पार्ने प्रभाव एकै किसिमको पाइयो ।

अनुसन्धानकर्ताहरूले पत्ता लगाए कि दैनिक दूध पिउनाले कोलोरेक्टल क्यान्सरको जोखिम कम र धेरै स्वास्थ्य लाभहरू हुन्छ । नियमित रूपमा दूध पिउनाले कोलोरेक्टल क्यान्सरको जोखिममा उल्लेखनीय कमी देखिएको छ । दही खानाले पनि यस्तै स्वास्थ्य लाभहरू देखिए ।

राइबोफ्लेभिन, म्याग्नेसियम, फस्फोरस र पोटासियम जस्ता डेरी पोषक तत्त्वहरूले पनि महत्त्वपूर्ण लाभहरू देखाएका छन् ।