समीक्षा लक्षित ज्योति मगरको टिप्पणी : फलानो एयरलाइन्स ठिक र फलानो एयरलाइन्स धोकेबाज भन्दै मनगणन्ते कुरा गर्नु बेकुफी हो

काठमाडौँ। 

गायिका समीक्षा अधिकारीले श्री एयरलायन्सबाट धोका पाएको भन्दै स्टाटस् लेखेपछि अर्की गायिका ज्योति मगरले जवाफ फर्काएकी छन् ।आइतबार बिहान समीक्षाले श्री एयरलायन्सबाट आफूले धोका पाएको र समयमा नै उडान नहुँदा आफ्नो कार्यक्रम छुटेको भन्दै आक्रोश पोखेकी थिईन् । समीक्षाको स्टाटसलगत्तै ज्योति मगरले लामो स्टाटस लेख्दै फलानो एयरलाइन्स ठिक र फलानो एयरलाइन्स धोकेबाज भन्दै मनगणन्ते कुरा गर्नु बेकुफी हो भन्दै टिप्पणी गरेकी हुन्। 

‘भर्खर भर्खर पिलेन चढ्न थालेका कलाकारहरू आज भोलि अधिकांश एयरलाइन्सलाई गाली गर्दै आक्रोश पोख्दै आफूलाई भयङ्कर ठुलो स्टार सम्झेको देख्दा मलाइ हाँसो उठ्छ’, उनले समीक्षा लक्षित टिप्पणी गर्दै फेसबुकमा भनेकी छन्, ‘…कुनै पनि एयरलाइन्सहरुले जानी जानी दुःख दिँदैनन् ।  एयरपोर्ट सानो छ । अन्तर्राष्ट्रिय उडा देखि डोमेस्टिक उडान एउटै रनवेमा हुन्छ ।  विभिन्न टेक्निकल कुराहरू हुन्छन् । जहाजहरू उड्न तथा उडाउन पार्किङ गर्न सबै कुराको अनुमति दिने निश्चित निकायहरू हुन्छन् ।’