यौन दुर्व्यवहारको आरोपमा इनड्राइभ चालक पक्राउ

काठमाडौं । यौन दुर्व्यवहारको आरोपमा राइड सेयरिङ सेवा प्रदायक कम्पनी  इनड्राइभ चालक  पक्राउ परेका छन् ।  पक्राउ पर्नेमा चितवनको नारायणी नगरपालिका–४ का प्रवीण बराल रहेको प्रहरीले जनाएको छ ।

जिल्ला प्रहरी परिसर काठमाडौंकाका प्रवक्ता नवराज अधिकारीका अनुसार  २५ वर्षीय बराललाई थानकोटबाट पक्राउ गरिएको हो । इनड्राईभमा चढाएर आफूमाथि शोषण भएको भन्दै एक युवतीले दिएको उजुरीको आधारमा प्रहरीले उनलाई पक्राउ गरेको हो ।

चितवनको मुग्लिन बजारबाट काठमाडौँ जान अनलाइनमार्फत आग्रह गर्दा राइडरले ह्वाट्सएपमा म्यासेज गरेर यौन उत्पीडन गरेको भन्दै ती महिलाले ‘टिकटक’मा भिडिओ समेत पोष्ट गरेकी थिईन् ।

पक्राउ परेका चालकलाई अहिले काठमाडौं प्रहरी परिसरमा राखिएको र  घटनाबारे थप अनुसन्धान भइरहेको  प्रवक्ता  अधिकारीले जानकारी दिए ।