सिल्भरलाइनमा सन्दीपको शल्यक्रिया

काठमाडौं । नेपाली राष्ट्रिय क्रिकेट टिमका सदस्य सन्दीप लामिछानेको शल्यक्रिया गरिएको छ । बुधबार बालाजुस्थित सिल्भरलाइन अस्पतालमा क्रिकेटर लामिछानेको शल्यक्रिया गरिएको  हो ।

लामिछानेको राइट डाइरेक्ट इङ्गुइनल हर्नियाको टोटल एक्स्ट्रा पेरिटोनियल (मास रिपेयर) गरिएको अस्पतालका प्रबन्धक डा. अभिषेक राज सिंहले विज्ञप्तिमार्फत जानकारी दिएका छन् ।

शल्यक्रिया डा. दीपक शर्मा नेतृत्वको टोलीले गरेको विज्ञप्तिमा उल्लेख छ ।

‘यस अस्पतालको शल्यचिकित्सा विभागद्वारा क्रिकेटर सन्दीप लामिछानेको सफलतापूर्वक शल्यक्रिया सम्पन्न भएको हो । उहाँको शल्यक्रिया शल्यचिकित्सक डा. दीपक शर्मा नेतृत्वको टिमद्वारा भएको हो,’  विज्ञप्तिमा भनिएको छ ।