अमेरिकी संसद्‌मा ट्रम्पको सम्बोधन : विपक्षी सिनेटरलाई निकालियो, यी हुन् १० महत्त्वपूर्ण कुरा

काठमाडौं । राष्ट्रपति डोनाल्ड ट्रम्पले अमेरिकी कङ्ग्रेसलाई सम्बोधन गरेका छन् ।

ट्रम्पको पहिलो भाषणका १० महत्वपूर्ण कुरा

टिट फर ट्याट ट्यारिफ : टिट फर ट्याट ट्यारिफ अप्रिल २ देखि लागू हुनेछ । अन्य देशहरूले हामीमाथि भारी कर र भन्सार लगाउँछन्, अब हाम्रो पालो हो । यदि कुनै कम्पनीले अमेरिकामा उत्पादन गरिरहेको छैन भने उसले शुल्क तिर्नुपर्नेछ ।

युक्रेन युद्ध : जेलेन्स्की युक्रेन युद्ध सकेसम्म चाँडो अन्त्य गर्न वार्तामा आउन तयार छन् । हामीले रुससँग गम्भीर वार्ता गरेका छौँ । हामीले मस्कोबाट शान्तिको लागि तयार रहेको बलियो सङ्केत पाएका छौँ ।

आप्रवासन समस्या : पछिल्ला चार वर्षमा २ करोड १० लाख मानिसहरू अवैध रूपमा अमेरिका प्रवेश गरेका छन् । हाम्रो सरकारले अमेरिकी इतिहासमा सबैभन्दा ठूलो सीमा र आप्रवासन कारबाही सुरु गरेको छ ।

जो बाइडन : बाइडेन अमेरिकी इतिहासको सबैभन्दा खराब राष्ट्रपति हुन् । उनको कार्यकालमा हरेक महिना लाखौं अवैध मानिसहरू देशमा प्रवेश गरे । उनको नीतिका कारण देशमा मुद्रास्फीति बढ्यो ।

गोल्ड कार्ड भिसा : हामी गोल्ड कार्ड भिसा प्रणाली लागू गर्न गइरहेका छौँ । यो ग्रिन कार्ड जस्तै हो तर अझ उन्नत छ । यसले ठूलो सङ्ख्यामा रोजगारी सिर्जना गर्नेछ र कम्पनीहरूलाई फाइदा पुर्‍याउनेछ ।

पानामा नहर र ग्रीनल्याण्ड : हामी कुनै न कुनै रूपमा पानामा नहरको नियन्त्रण प्राप्त गर्नेछौँ । यसका साथै हामी कुनै न कुनै रूपमा ग्रिनल्याण्डलाई हाम्रो गोठमा समावेश गर्नेछौँ । हामी त्यहाँका मानिसहरूको सुरक्षा गर्नेछौँ ।

इलोन मस्क र डज : मस्कको डज विभागले अघिल्लो सङ्घीय सरकारका धेरै घोटालाहरूको पर्दाफास गरेको छ । मस्कलाई यो विभाग सिर्जना गर्नु आवश्यक थिएन, तर उनले यो देशको लागि गरे ।

अभिव्यक्ति स्वतन्त्रता : हामीले सबै सरकारी सेन्सरशिप समाप्त गरेका छौँ र अमेरिकामा अभिव्यक्ति स्वतन्त्रता फिर्ता ल्याएका छौँ । हामीले हतियारको रूपमा प्रयोग हुने सरकारी संयन्त्रलाई ध्वस्त पारेका छौँ ।

तेल र ग्यास : अमेरिकासँग विश्वका अन्य कुनै पनि देशभन्दा धेरै ‘तरल सुन’ (तेल र ग्यास) छ । हामी अलास्काभरि विशाल प्राकृतिक ग्यास पाइपलाइन निर्माण गर्नेछौँ । धेरै देशहरू यसमा अर्बौं रुपैयाँ लगानी गर्न चाहन्छन् ।

अन्तरिक्ष कार्यक्रम : हामी विज्ञानमा नयाँ सिमानाहरू अगाडि बढाउनेछौँ, मानिसहरूलाई अन्तरिक्षमा डोऱ्याउनेछौँ र मङ्गल ग्रहमा अमेरिकी झण्डा फहराउनेछौँ । हामी संसारले देखेको सबैभन्दा उन्नत र शक्तिशाली सभ्यता सिर्जना गर्नेछौँ ।