कनकाई–१ : महिलालाई स्वरोजगार बनाउन तालिम दिँदै

चन्द्र बस्नेत
कनकाई, २७ फागुन । झापाको कनकाई नगरपालिका वडा नं. १ ले महिलाहरुलाई धमाधम स्वरोजगार बन्ने तालिम दिँदै आएको पाइएको छ। कनकाई नगरपालिका वडा न १ ले विभिन्न समयमा वडाका ९ वटै टोलका सबै महिला समुहहरुलाई सहभागी गराई छुट्टाछुट्टै तालीम दिई स्वरोजगार सहित आत्मनिर्भर बनाउदै आएको पाईएको हो ।

केही समय अघि सहजीकरण महिला समुहको आयोजनामा पोते जुरा माला लगायत सीप सिकाएको थियो भने वडाका एकल महिलाहरूको नेतृत्वमा फिनेल, लिकुइट र धुप बनाउने सीप सिकाएको थियो । त्यस्तै, केही समय अघि १ महिने जुनियर डिप्लोमा मन्टेश्वरी तालीम समेत सिकाएको थियोे भने गत २५, २६ र आज २७ गते शान्ति महिला समुहको आयोजनामा ३ दिने साबन ,झोल साबन बनाउने तालिम सम्पन्न गराएको छ ।

दुर्गापुरस्थित सामुदायिक भवनमा सीप सिकौं अर्थोपार्जन गरौं ूभन्ने मुल नाराका साथ वडाका शान्ति महिलाको आयोजना वडाको आर्थिक सहयोगमा ३ दिने साबन, झोल साबन बनाउने तालिम आज मंगलबार सम्पन्न गरेको छ । आयोजक संस्था शान्ति महिला समुहकी अध्यक्ष ईन्दिरा खनाल (अधिकारी) को सभापतित्वमा भएको तालिमको समापन कार्यक्रमका प्रमुख अतिथि वडा अध्यक्ष सुशीलकुमार पोखरेल रहनुभएको थियोे ।

कार्यक्रमलाई सम्बोधन गर्दै प्रमुख अतिथि पोखरेलले यस्ता तालिमहरु अति आवश्यक रहेको मनन गर्दै आगामी दिनमा बजेटको अझ धेरै ब्यस्थापन गर्दै पहिलो प्राथमिकतामा राख्ने विश्वास दिलाउनु भयो । प्रमुख अतिथि पोखरेलले वडा न १ मा प्राप्त बजेटलाई योजनाबद्ध रुपमा सबै क्षेत्रमा मिलाएर युवा, महिला , बालबालिका, जेष्ठ नागरिक लक्षित तालिमहरु निरन्तर भईरहेको जानकारी दिनुभयो ।

उहाँले वडामा प्रतेक वर्षको बजेटमा महिलाहरू लाई नै प्राथमिकतामा राखेर विनियोजन गरेर काम गरिहेको बताउनुभयो । तालीममा वडा भित्र रहेका ९ वटा टोलका ३५ जना महिलाहरुले अवसर पाएको वडा सदस्य निर्मला खड्काले जानकारी दिनुभयो । तालिम प्राप्त गर्ने अवसर उपलब्ध गराएकोमा वडालाई धन्यवाद दिदै प्रशिकक्षार्थी भण्डारी भन्नुहुन्छ ।

तीन दिने तालिमको अनुभवी प्रशिक्षक कमला खतिवडा रहनुभएको थियोे । बनाएको मुख धुने साबन तथा झोल साबन प्रयोग गर्न राम्रो र अर्ग्यानिक रहेकोे प्रशिक्षक खतिवडाले बताउनुभयो । आगामी दिनमा समेत अन्य तालिमको योजना रहेकोे वडा सदस्य निर्मला खड्काको भनाइ छ ।

यता आयोजक संस्था शान्ति महिला समुहकी अध्यक्ष तथा कार्यक्रमकी सभापति अधिकारीले सिकेको सिपलाई सहि सदुपयोग गर्दै स्वरोजगार बन्न सुझाव दिनुभएको थियोे ।

तीन दिवसीय तालीमको समापन कार्यक्रममा वडा सदस्य हरिकुमार राई, दलबहादुर थापा, वडा सचिव सदिक्षा निरौला, कर्मचारी निर्मला बानिया, वडाका टोल संयोजक, महिला समुहका अध्यक्ष तथा प्रतिनिधि लगायतको आतिथ्यता रहेको थियोे । आयोजक संस्था शान्ति महिला समुहकी उपाध्यक्ष शुस्मा भट्टराईले औचित्यसहित स्वागत गरेको कार्यक्रमको सन्चालन आयोजक संस्थाकी सचीव पुजन बास्तोलाले गर्नुभएको थियो ।

The post कनकाई–१ : महिलालाई स्वरोजगार बनाउन तालिम दिँदै appeared first on Jhapa Online.