अमेरिकाद्वारा दक्षिण अफ्रिकाका राजदूतलाई ​​देश निकाला

काठमाडौं । अमेरिकाले दक्षिण अफ्रिकी राजदूत इब्राहिम रसूललाई ​​निष्कासन गरेको छ ।

अमेरिकी विदेशमन्त्री मार्को रुबियोले यसबारे जानकारी दिँदै दक्षिण अफ्रिकी राजदूतले अमेरिका र ट्रम्पलाई ‘घृणा’ गरेको आरोप लगाएका छन् ।

“हाम्रो महान देश संयुक्त राज्य अमेरिकामा अब दक्षिण अफ्रिकी राजदूतलाई स्वागत छैन,” मार्को रुबियोले ट्विटरमा लेखेका छन्, “इब्राहिम रसूल एक जातिवादी राजनीतिज्ञ हुन्, जसले अमेरिका र अमेरिकी राष्ट्रपतिलाई घृणा गर्छन् ।”

“हामीलाई उहाँसँग कुरा गर्न केही छैन, त्यसैले उहाँलाई अस्वीकार्य व्यक्ति मानिन्छ,” रुबियोले थपे ।

अमेरिका र दक्षिण अफ्रिकाबीच बढ्दो तनावका बीच अमेरिकाले यो कदम चालेको हो ।

फेब्रुअरीको सुरुमा ट्रम्पले दक्षिण अफ्रिकालाई दिइँदै आएको अमेरिकी सहयोग रोकेका थिए । यसका लागि ट्रम्पले दक्षिण अफ्रिकाको एउटा कानुनलाई उद्धृत गरे, जसमा उनले गोरा किसानहरूको जग्गा ‘जफत’ गर्न सकिने बताएका थिए ।

गत हप्ता ट्रम्पले दक्षिण अफ्रिकी किसानहरूलाई अमेरिकामा बसोबास गर्न स्वागत गरिने भन्दै तनावलाई अझ बढाए ।

ट्रम्पले ट्रुथ सोसलमा लेखेको पोस्टमा भनेका थिए, “सुरक्षाको कारणले देश छोड्न चाहने कुनै पनि दक्षिण अफ्रिकी किसान (परिवारसहित) लाई नागरिकतासहित संयुक्त राज्य अमेरिकामा आमन्त्रित गरिनेछ ।”