राप्रपाले लिङ्देनको नेतृत्वमा उपत्यका केन्द्रित आन्दोलन गर्ने

काठमाडौं । राष्ट्रिय प्रजातन्त्र पार्टी (राप्रपा) ले  राजसंस्था फर्काउने निर्णायक आन्दोलनको नेतृत्व अध्यक्ष राजेन्द्र लिङ्देनलाई सुम्पिएको छ ।

कार्यसम्पादन समितिको बैठकले उपत्यका केन्द्रित आन्दोलन लिङ्देनको नेतृत्वमा गर्ने निर्णय गरेको हो ।

‘अध्यक्ष राजेन्द्र लिङ्देनको नेतृत्वमा राजसंस्था र हिन्दुरास्ट्रको आन्दोलनलाई उपत्यका केन्द्रित गर्ने निर्णय भएको छ’ राप्रपाका प्रवक्ता मोहन श्रेष्ठले बताए ।

श्रेष्ठका अनुसार आन्दोलनको कार्यक्रम तय गर्न चैत १२ गते मूल आयोजक समितिको बैठक बोलाइएको छ । सोही बैठकले आन्दोलन कार्यक्रम घोषणा गर्ने छ ।

चैत १२ गतेको बैठकमा धवल शमशेर राणा नेतृत्वको आन्दोलन परिचालन समितिले आन्दोलन सम्बन्धी कार्य योजना पेस गर्नेछ।