बर्ली एयर कूलर नेपालमा भव्य रूपमा लन्च

काठमाडौं । नेपाल – भारतको अग्रणी उपकरण निर्माता बर्ली होम एप्लायन्सले सोमबार काठमाडौंको भिवान्ता होटलमा एक भव्य कार्यक्रमको आयोजना गरी नेपालमा १७ आधुनिक एयर कूलरहरूको आफ्नो नयाँ शृङ्खला सार्वजनिक गरेको छ।

कार्यक्रममा प्रमुख व्यापार साझेदार, मिडियाकर्मी र वितरण सञ्जालका प्रतिनिधिहरूको उपस्थिति रहेको थियो। सीजी कर्प ग्लोबलका प्रबन्ध निर्देशक निर्वाण चौधरी र बर्ली होम एप्लायन्सका प्रबन्ध निर्देशक चिराग शर्माले संयुक्त रूपमा उत्पादनहरूको अनावरण गरेका थिए।

बर्ली होम एप्लायन्सका प्रबन्ध निर्देशक चिराग शर्माले नेपाली बजारका लागि डिजाइन गरिएका उत्पादनहरूको विशेषता र कम्पनीको भविष्यको योजनाबारे जानकारी गराए। बर्लीले नेपाली बजारमा सीजी इलेक्ट्रोनिक्सलाई आफ्नो आधिकारिक वितरकको रूपमा नियुक्त गरेको छ। यो सहकार्यले नेपाली ग्राहकहरूलाई उच्च गुणस्तर, किफायती र प्रयोगकर्ता-मैत्री उत्पादनहरू उपलब्ध गराउने लक्ष्य राखेको छ।

बर्ली एयर कूलरहरू सरल, किफायती र उच्च मूल्य प्रदान गर्ने गरी डिजाइन गरिएको कम्पनीले जनाएको छ। कार्यक्रममा बर्लीको गुणस्तर, नवीनता र नेपाली बजारमा कम्पनीको भविष्यको योजनाहरूको प्रतिबद्धतालाई जोड दिइएको थियो।