प्रतिबन्धित लागुऔषधसहित तीन जना पक्राउ

झापा, ९ चैत । सुनसरी र मोरङको विभिन्न स्थानबाट प्रतिबन्धित लागुऔषधसहित प्रहरीले तीन जनालाई पक्राउ गरेको छ ।

चैत ८ गते सुनसरीको धरान उपमहानगरपालिका–१७ स्थितबाट इलाका प्रहरी कार्यालय धरानबाट खटिएको प्रहरी टोलिले लागुऔषध कारोबार भइरहेको भन्ने गोप्य सूचनाको आधारमा २९ वर्षीय कमल शाक्यलाई प्रतिबन्धित औषधि ट्रामोल १ हजार ५० क्याप्सुल र धरान–११ का २१ वर्षीय कमलहाङ राईलाई लागुऔषध ब्राउनसुगर १०० मिलिग्राम सहित पक्राउ गरेको छ ।

त्यसैगरी, इलाका प्रहरी कार्यालय उर्लाबारी मोरङबाट खटिएको प्रहरी टोलीले उर्लाबारी–४ का २१ वर्षीय मनिष भुजेललाई २५० मिलिग्राम ब्राउनसुगरसहित पक्राउ गरेको छ । प्रतिबन्धित लागुऔषधसहित पक्राउ परेका उनीहरुको थप अनुसन्धान भइरहेको छ ।

The post प्रतिबन्धित लागुऔषधसहित तीन जना पक्राउ appeared first on Jhapa Online.