जर्मनी र स्पेन सेमिफाइनलमा, इटाली र नेदरल्यान्ड्स बाहिरिए

काठमाडौं । जर्मनी र साविक विजेता स्पेन यूईएफए नेसन्स लिग फुटबल प्रतियोगिताको सेमिफाइनलमा पुगेका छन् ।

सोमबार बिहान भएको दोस्रो खेलको नतिजाका आधारमा यी दुई टोलीले अन्तिम चारमा स्थान सुरक्षित गरेका हुन् ।

डर्टमन्डमा भएको खेलमा घरेलु टोली जर्मनी र इटालीले ३–३ गोलको बराबरी खेले । तर पहिलो लेगमा जर्मनीले २–१ गोलले अघि भएका कारण उसले इटालीमाथि समग्रमा ५–४ को नतिजा हासिल गरेको हो । जर्मनी पहिलो पटक नेसन्स लिगको सेमिफाइनलमा पुगेको हो ।

इटाली र नेदरल्यान्ड्स भने प्रतियोगिताको क्वार्टरफाइनलबाटै बाहिरएका छन् ।