तस्वीरमा यस्तो देखियो राप्रपाको जनप्रदर्शन

काठमाडौं । राष्ट्रिय प्रजातन्त्र पार्टी (राप्रपा)ले आज (मङ्गलबार) बल्खुमा जनप्रदर्शन गरिरहेको छ । प्रदर्शन बिहान ११ः३० बजेदेखि जारी छ ।

१० हजारभन्दा बढीको सङ्ख्यामा प्रदर्शनकारी बल्खु पुगेका छन् । यसलाई लिएर सरकारले कडा सुरक्षा प्रबन्ध गरेको छ । नेपाल प्रहरी र सशस्त्रका सुरक्षाकर्मी केही हजारको सङ्ख्यामा बल्खु र आसपासका क्षेत्रमा खटिएका छन् ।

राप्रपाले गर्ने आमसभाको सुरसार नहुँदै मङ्गलबार बिहानैदेखि सुरक्षा परिचालन गरिएको थियो । बल्खुको हालसम्म स्थिति सामान्य रहेको छ । पौने १ बजेपछि आमसभा सुरु भएको छ ।

राप्रपाले गर्ने आन्दोलनलाई जगमान गुरुङले अगुवाइ गरिरहेको संयुक्त जनआन्दोलन समितिले समर्थन जनाएको छ । साथै दुर्गा प्रसाईंका कार्यकर्ता पनि सहभागी हुने सम्भावनालाई मध्यनगर गर्दै सुरक्षा व्यवस्थामा कडाइ गरिएको प्रहरीले जनाएको छ ।

प्रशासनले सुरक्षा कारण देखाउँदै भृकुटीमण्डपमा कार्यक्रम गर्न अनुमति नदिएपछि राप्रपाले स्थान परिवर्तन गरेर बल्खुमा प्रदर्शन गरिरहेको हो ।

राजसंस्था र हिन्दूराष्ट्रको पक्षधर दल राप्रपा तीनकुने घटनामा पक्राउ परेका आफ्ना नेता–कार्यकर्ताको रिहाइको मागसहित केही दिनयता आन्दोलनरत छ ।

तस्वीरहरू :