नेपालको निर्यात बढ्यो, १ खर्ब ५८ अर्ब १७ करोड पुग्यो

झापा, २७ चैत । आर्थिक वर्ष २०८१–८२ को आठ महिनामा नेपालबाट हुने कुल वस्तु निर्यात ५७.२ प्रतिशतले वृद्धि भएको छ ।

नेपाल राष्ट्र बैंकले बुधबार जारी गरेको आठ महिनाको मुलुकको आर्थिक अवस्था सम्बन्धी प्रतिवेदनले यस अवधिमा निर्यात बढेर १ खर्ब ५८ अर्ब १७ करोड पुगेको छ । अघिल्लो वर्षको सोही अवधिमा यस्तो निर्यातमा ४.० प्रतिशतले कमी आएको थियो । गन्तव्यका आधारमा भारत, चीन र अन्य मुलुकतर्फको निर्यात क्रमशः ८२.५ प्रतिशत, ८.८ प्रतिशत र २.९ प्रतिशतले वृद्धि भएको छ ।

वस्तुगत आधारमा भटमासको तेल, पोलिस्टरको धागो, चिया, पार्टिकल बोर्ड, अलैँची लगायतका वस्तुको निर्यात बढेको छ भने पाम तेल, जिंक शिट, अदुवा, तयारी पोशाक, जुस लगायतका वस्तुको निर्यात घटेको छ ।

आठ महिनामा नेपालमा वस्तु आयात ११.२ प्रतिशतले वृद्धि भई ११ खर्ब ४५ अर्ब ५७ करोड पुगेको छ । अघिल्लो वर्षको सोही अवधिमा यस्तो आयातमा २।७ प्रतिशतले कमी आएको थियो । आठ महिनामा मुलुकको कुल वस्तु व्यापार घाटा ६।२ प्रतिशतले बढेर ९खर्ब ८७ अर्ब ३९ करोड पुगेको छ ।

The post नेपालको निर्यात बढ्यो, १ खर्ब ५८ अर्ब १७ करोड पुग्यो appeared first on Jhapa Online.