धरानको जङ्गलमा भेटिएकी महिला चुनुकुमारी दाहाल भएको आफन्तले सनाखत

झापा, २९ चैत । सुनसरीको धरान–६ मा रहेको पाँचकन्या सामुदायिक वनमा सोमबार मृत फेला परेकी महिला धनकुटा महालक्ष्मी नगरपालिका–१ की ३४ वर्षीय चुनुकुमारी दाहाल रहेको खुलेको छ ।

महिलाका भाइ लीलबहादुर दाहाल र ससूराले गरेका मृतक चुनुकुमारी रहेको जनाएको सुनसरीका प्रहरी प्रवक्ता डीएसपी योगराज खतिवडाले जानकारी दिनुभयो । मृतक महिला दुई वर्ष अगाडिदेखि इटहरीको हलगडामा बसोबास गर्दै आएकी थिइन् । उनको १३ वर्षीय छोरा साथमै रहेका थिए भने श्रीमान् कोरियामा रहेका प्रहरीले जनाएको छ ।

घटना शंकास्पद रहेकाले अनुसन्धान भइरहेको खतिवडाले बताउनुभयो । मृतक दाहालको शरीरमा चोटपटक देखिएको थियो भने अर्धनग्न अवस्थामा फेला परेकी थिइन् । प्रारम्भिक अनुसन्धानमा शव केही मिटर घिसारिएको जस्तो देखिएको प्रहरीले जनाएको छ । उनको शव बीपी कोइराला स्वास्थ्य विज्ञान प्रतिष्ठानमा पोस्टमार्टमका लागि राखिएको छ । पोस्टमार्टम रिपोर्ट आएपछि घटनाको प्रकृति स्पष्ट हुने प्रहरीले जनाएको छ ।

The post धरानको जङ्गलमा भेटिएकी महिला चुनुकुमारी दाहाल भएको आफन्तले सनाखत appeared first on Jhapa Online.