तीनकुने घटनामा संलग्न भएको आरोपमा झापा अर्जुनधाराका ओमप्रकाश लुइँटेल पक्राउ

झापा, ८ चैत । राजावादीहरूले गरेको प्रदर्शनका क्रममा तोडफोड तथा आगजनीमा संलग्न भएको आरोपमा प्रहरीले थप एक जनालाई पक्राउ गरेको छ ।

गत चैत १५ गते राजावादीहरूले गरेको प्रदर्शनका क्रममा तोडफोड तथा आगजनीमा संलग्न भएको आरोपमा झापा अर्जुनधारा नगरपालिका–५ घरका ४८ वर्षीय ओमप्रकाश लुइँटेललाई पक्राउ गरेको हो ।

लुइँटेललाई काठमाडौँ जिल्ला अदालतबाट ४ दिनको मिलान म्याद थप अनुमति लिएर अनुसन्धान भइरहेको जिल्ला प्रहरी परिसर काठमाडौँका प्रहरी उपरीक्षक अपिलराज बोहराले जनाएका छन् । तीनकुने स्थित खुल्ला चौरमा ‘राष्ट्र, राष्ट्रियता, धर्म, संस्कृति र नागरिक बचाउ महाअभियान नेपाल’ द्वारा आयोजित प्रदर्शनका क्रममा भएको घटनाको अनुसन्धानको सिलसिलामा लुइँटेलले निजी तथा सार्वजनिक सम्पत्ति माथि तोडफोड तथा आगजनी लगायतका आपराधिक कार्यमा संलग्न रहेको खुलेको प्रहरी उपरीक्षक बोहराको भनाइ छ ।

The post तीनकुने घटनामा संलग्न भएको आरोपमा झापा अर्जुनधाराका ओमप्रकाश लुइँटेल पक्राउ appeared first on Jhapa Online.