वसन्तले धुर्मुस–सुन्तलीलाई लिएर ‘पाँच पाण्डव’ बनाउने

हास्य जोडी सिताराम कट्टेल (धुर्मुस) र कुञ्जना घिमिरे (सुन्तली) ‘सेन्टी भाइरस’ रिलिजको ५ वर्षपछि एकपटक फेरि फिल्ममा एकसाथ देखिने भएका छन् । वसन्त निरौलाको निर्देशनमा बन्न लागेको फिल्म ‘पाँच पाण्डव’मा उनीहरुको जोडी बाँधिन लागेको हो । गत चैत १७ गते चलचित्र विकास बोर्डबाट फिल्म निर्माणका लागि इजाजत लिँदा कलाकारमा उनीहरूको नाम लेखिएको छ ।

निर्देशक निरौलाले फिल्ममा सिताराम र कुञ्जनाको मुख्य भूमिका रहने जानकारी दिए । उनीहरुबाहेक अरु कलाकार भने निश्चित हुन बाँकी रहेको उनको भनाइ छ । यसै वर्ष छायांकनको तयारी गरिएको फिल्मलाई ‘लाज शरणम्’का निर्माता नविन श्रेष्ठले निर्माण गर्नेछन् । उनको कम्पनी काली रानी फिल्म्सबाट बोर्डमा फिल्म दर्ता छ । यो फिल्म लगभग साढे तीन करोडको बजेटमा बन्नेछ ।

‘पाँच पाण्डव’ कुञ्जनाको ५ वर्षपछिको कमब्याक फिल्म हुनेछ । ‘सेन्टी भाइरस’पछि उनले फिल्ममा काम गरेकी छैनन् । सितारामले भने हाल प्रदर्शनरत ‘लाज शरणम्’बाट कमब्याक गरेका थिए । यसमा उनले व्यापारीको भूमिका निभाएका छन् । आर्थिक अभावका कारण भरतपुर ९चितवन०मा क्रिकेट रंगशाला अलपत्र परेपछि धुर्मुस(सुन्तलीले अभिनयलाई निरन्तरता दिँदै आएका छन् ।

निर्देशक निरौला ‘पाँच पाण्डव’ बनाउन कसिएपछि गत मंसिर अन्तिममा घोषणा भएको उनको अर्को फिल्म ‘दशमी’ अब के हुन्छ भन्ने प्रश्न उब्जिएको छ । यसबारेमा उनी भन्छन्, ‘यो फिल्म अवश्य बन्छ । कुन फिल्म पहिला छायांकन गर्ने भनेर अहिले म छलफलमै छु । केही दिनमा टुंगो लाग्छ ।’ गत वर्षको फूलपातीमा उनले निर्देशन गरेको फिल्म ‘ज्वाइँ साब’ प्रदर्शनमा आएको थियो ।

The post वसन्तले धुर्मुस–सुन्तलीलाई लिएर ‘पाँच पाण्डव’ बनाउने appeared first on Jhapa Online.